影片
更多
2023-01-04
82 浏览
边个话饮茶一定要日头，饮夜茶又系另一番体验！呢间点心店全日都有手工点心，即叫即蒸，茶茗只需要$3一位，仲要唔使加一，真系好抵食！夜晚去到都有唔少食客，佢点心嘅份量唔会太大，就算一个人食都可以叫番一盅两件过吓口瘾！------------------------------🦐◖晶莹鲜虾饺（两粒）◗ $16佢有两粒同埋四粒拣，所以一个人食都唔怕会太多！虾饺虾肉实净，虾饺皮几烟韧，但就略嫌厚咗啲。🥟◖黑松露菜苗饺◗ $27有一小旧黑松露喺面，黑松露味都几香，夹杂住啲虾肉同菜苗，味道几夹几鲜甜，口感夹脆，好有层次！🐂◖姜葱牛柏叶◗ $26饮茶比较少见牛柏叶食，试试佢！一碗里面有4-5件牛柏叶，姜葱味道几重，食落甜甜地带少少辣味，个人几钟意！有啲白萝卜铺底，煮得软腍鲜甜，成个汤底更加甜！🐓◖四宝滑鸡扎◗ $30有两大件鸡扎，用腐皮包住啲猪皮、鸡件、蟹柳、芋头，肥嘟嘟咁好足料！鸡件口感嫩滑，芋头煮得好腍好入味，加埋爽脆嘅猪皮，口感好丰富！🥯◖黑金流沙包◗ $25有三粒流沙包，但就比较细粒，所以都唔惊话会食到好饱～里面嘅流沙馅好流心，而且唔会太甜，识落仲有少少起沙嘅感觉，细细个但系好食！🍖
------------------------------
🦐◖晶莹鲜虾饺（两粒）◗ $16
佢有两粒同埋四粒拣，所以一个人食都唔怕会太多！虾饺虾肉实净，虾饺皮几烟韧，但就略嫌厚咗啲。
🥟◖黑松露菜苗饺◗ $27
有一小旧黑松露喺面，黑松露味都几香，夹杂住啲虾肉同菜苗，味道几夹几鲜甜，口感夹脆，好有层次！
🐂◖姜葱牛柏叶◗ $26
饮茶比较少见牛柏叶食，试试佢！一碗里面有4-5件牛柏叶，姜葱味道几重，食落甜甜地带少少辣味，个人几钟意！有啲白萝卜铺底，煮得软腍鲜甜，成个汤底更加甜！
🐓◖四宝滑鸡扎◗ $30
有两大件鸡扎，用腐皮包住啲猪皮、鸡件、蟹柳、芋头，肥嘟嘟咁好足料！鸡件口感嫩滑，芋头煮得好腍好入味，加埋爽脆嘅猪皮，口感好丰富！
🥯◖黑金流沙包◗ $25
有三粒流沙包，但就比较细粒，所以都唔惊话会食到好饱～里面嘅流沙馅好流心，而且唔会太甜，识落仲有少少起沙嘅感觉，细细个但系好食！
🍖◖蜜汁叉烧肠◗ $25
肠粉系饮茶必食！呢间嘅肠粉整得几好，肠粉皮晶莹剔透，皮薄滑溜，包裹住半肥瘦嘅叉烧，要趁热食！
🌟Encore指数：8.5/10
张贴
