影片
更多
2022-01-15
3671 浏览
Honbo 大家如果有留意我嘅post，就知我其实好钟意食burger，有阵时会一个礼拜会食两次，而呢间亦系我一直都想去嘅，又被称为全港第一burger🧐。 而我食完之后，我觉得的确系高质嘅，但就唔知系唔系全港第一burger🤔。 Honbo位于湾仔日月星街，老板原本系位医生，但决定辞去稳定收入，开Burger店。好多人都觉得佢呢个决定好笨，但而家拥有四间分店嘅佢，证明佢当日赌注系冇错嘅👍。 店舖环境狭窄，以蓝白色为主调，坐喺出窗外又有种外国风情，内里格局灰喑，以一个红色嘅霓虹灯点亮，我个人认为不太讨好，影相又影得唔靓，所以大家就将就吓啦😅。 食物选择一眼睇哂，都系牛肉汉堡为主，但牛肉有得拣唔同嘅份量同Size，有厚有薄，平日午市有得叫套餐，有薯条/蕃薯条拣，另收加一。而呢度所有野都系自家制🤩。 Honbo$98(set w/sweet potato fries & coke zero$40) 卖相就几普通，而份量都佢偏细，饀料唔算多，一口size，而食物定位都徘徊系$100左右，而套餐要加$40，性价比真系徧低🤨。 据说面包同平时嘅brioche唔同，呢只系汤种面包，我个人对面包系好
大家如果有留意我嘅post，就知我其实好钟意食burger，有阵时会一个礼拜会食两次，而呢间亦系我一直都想去嘅，又被称为全港第一burger🧐。
而我食完之后，我觉得的确系高质嘅，但就唔知系唔系全港第一burger🤔。
Honbo位于湾仔日月星街，老板原本系位医生，但决定辞去稳定收入，开Burger店。好多人都觉得佢呢个决定好笨，但而家拥有四间分店嘅佢，证明佢当日赌注系冇错嘅👍。
店舖环境狭窄，以蓝白色为主调，坐喺出窗外又有种外国风情，内里格局灰喑，以一个红色嘅霓虹灯点亮，我个人认为不太讨好，影相又影得唔靓，所以大家就将就吓啦😅。
食物选择一眼睇哂，都系牛肉汉堡为主，但牛肉有得拣唔同嘅份量同Size，有厚有薄，平日午市有得叫套餐，有薯条/蕃薯条拣，另收加一。而呢度所有野都系自家制🤩。
Honbo$98(set w/sweet potato fries & coke zero$40)
honbo
$98
167 浏览
0 赞好
0 留言
卖相就几普通，而份量都佢偏细，饀料唔算多，一口size，而食物定位都徘徊系$100左右，而套餐要加$40，性价比真系徧低🤨。
据说面包同平时嘅brioche唔同，呢只系汤种面包，我个人对面包系好讲究嘅(睇返我之前burger食评都知，而外国好多youtuber e.g.joshua weissman 都鼓励自制汉堡面包)而呢度嘅包就满足到我🥰。
面包面头有D气泡，中间有烘过，避免burger变湿。口感蓬松，软熟又略带嚼劲，徧向淡口，冇乜牛油香，但就有轻微嘅面粉香，的确系唔错👍。(但我个人都系徧好一般香浓松软嘅包😅)
honbo
$98
120 浏览
1 赞好
0 留言
汉堡扒嘅做法特别，将4oz 嘅肉量分成两片薄切汉堡扒，用铁板压实个肉(估计)，拎佢有层焦香咗嘅crust，带来脆口。肉粒松散，质感少似系'肉粒'，又唔系平时咁一大旧，呢度主要都系食返佢嘅肉味，冇乜多余调味
喺牛扒煎紧嘅时候，已放入芝士(估计)，拎佢热溶渗透于肉中，令芝士成为“牛扒嘅肉汁”，令牛扒变得油润又有阵奶香，系好独特嘅体验😯。
酱汁系蛋黄酱，香滑酸甜，均衡分布于其中，同肉/包/芝士系一个好好嘅配搭。配菜有冲洗过嘅洋葱，爽口而唔“喇”。少少酸瓜，而且冇我最增嘅蕃茄😲。(令burger包变汁同淡口)
炸蕃薯条
sweet potato fries
79 浏览
1 赞好
0 留言
份量好多，而且切得好厚，形状又唔系对称嘅，睇得出系手切🤣。炸嘅时间刚好，外层金黄香脆，内里绵密软糯，香甜可口，但又未到「黎到呢度必叫」嘅程度，而且我认为外层额外洒上嘅糖令佢有阵唔自然嘅甜味，我就唔系太钟意🤨。
张贴
