海底撈火鍋 (海之戀商場)

营业中

休息中

原本无OpenRice ac都特登申请一个数臭依间海底捞，早两日同几个朋友去食，夜晚11:30入场，间铺又冇冷气通风，又暗，唔知系悭电定点，都算。全场几枱客得两三个侍应，完全唔似系海底捞，重要𠮶几个侍应系唔理人，口音又唔正，意为去左谭仔，举手揾佢都要等佢几分钟。问佢攞只匙羹，佢叫我自己出去调味料区攞。嗌嘢食嗌一份，佢就黎半份，唔止系我依枱，隔篱枱嗌咗三个一份，黎左三个半份，道歉态度Hea到爆，好似我差佢好多咁，赶客咩大佬。嗌个拉面无人表演拉，一碗拉好左嘅面直接放低就走，朋友生日唱生日歌，无人埋黎，无人唱。嗌三支可乐，就黎一支，过左十分钟都无再黎，举手吹佢，佢先懒懒闲拎黎。系人都知，去海底捞系食佢个服务，咁嘅服务质素，我屋企楼下间茶记都好过佢啦。海底捞嘅价钱，澳牛嘅服务态度，唔会再去，希望唔好再有人做下一个受害者。