西宮 (已結業)

五一长假期前夕与同事聚餐，用团购优惠购买每位$248，主要自助餐型式，仲有放题同火锅叫添。这个价仲有生蚝、青口、翡翠螺都几抵。大大只生蚝，无乜海水味，所以麻麻地食咗三只。西式有哈蜜瓜干火腿干，哈蜜瓜鲜甜，但是火腿干好鞋好硬，好求其。cheap cheap 𠮶啲货色。鲜虾有煎的、冻食的，有刺身，好味，但叫的赤虾刺身就肉质较冧，不够新鲜。蟹柳寿司、鳗鱼寿司、鱿鱼寿司一般。鲜虾冷面唔错，热食的汤拉面好弹牙汤够热，但肥牛就勒咗啲，无咩牛肉味。三文鱼刺身一般，象拔蚌刺身有啲腥。烧物有烧菠萝，烧的时间不够，如果有小小焦焦的就好了。烧全只鸡翼好蜜味脆皮又热辣辣，好好味。烧牛舌尚可，不苏。烧粟米同汉堡猪柳都好食。又有日式蟹子沙律，有啲沙，麻麻地。甜品有牛奶布甸我无吃同事话好食食咗两杯。有雀巢雪糕：莲花杯雪条红豆冰同朱古力乐，仲有罐装汽水任饮。食咗四小时，饱饱的回家去，不过下次未必会再来，因为热食款式唔多。