麵館皇

营业中

休息中

一直都好钟意食刀削面，但系喺香港好难揾到正宗嘅，但系又唔可以成日返大陆食，朋友介绍咗呢间喺铜锣湾既刀削面。佢话呢度好正宗，一开始都谂紧喺铜锣湾会唔会好贵呢，但系睇咗价钱原来又好抵食㖞，咁就一于嚟试吓啦。一去到入面劲多人，但系等咗一阵咪就入得啦。入面虽然唔系好大，但系啲位都唔算迫，坐得几舒服。我同朋友叫咗个口水鸡同埋一个肥牛刀削面，口水鸡一上枱已经见到好似好辣咁，但系食落又唔会好辣，不过真系好香。佢嘅鸡肉非常嫩滑，食落系好重鸡味，而且又香又滑，真系好出色。最重要最抵赞嘅就系呢个肥牛刀削面，佢嘅刀削面应该系自己亲手整，食落个口感同埋味道都非常好。而且啲肥牛又系啱啱好，好重牛味，绝对唔系啲雪藏肥牛。呢间面店又正宗又抵食，唔怪得成日都爆晒客啦。下次就算唔系出开铜锣湾都会再嚟食呀。