影片
更多
2022-07-04
397 浏览
自从跑马地黄泥涌三角公园封锁咗行车线入口之后, 已经绝少入去哩个我以前返室内设计助理嘅工作地方.未封路之前, 久不久都话揸车经跑马地转个大圈过返九龙, 今次专程坐电车入去感受一下, 当然..... 面目全非了...... 如果唔系出差香港岛, 被D港岛区同事无意间知道我识少少风水, 叫我去佢跑马地屋企睇睇, 相信都唔会走入嚟.睇完风水之后, 由于想自己四处行下缅怀一翻, 于是婉拒咗同事晚饭之邀请, 约埋女友小熊四围行.行到一处叫绵发街, 见到一间叫上海弄堂嘅餐厅, 小熊话哩间上海菜好出名, 于是就入去帮衬.其实...... 吸引我行入去绵发街原因系我见到一个类似战时防空洞入口嘅建筑物.小熊睇份 menu 睇得好开心, 我就八八卦卦睇个防空洞.....问小熊有咩想食, 佢话睇中好多野.....最后点咗两个 set, 前菜有熏鱼, 醉鸡, 小笼包, 酸辣汤, 主菜有狮子头同红烧肉百页结, 担担面一辣一走辣多葱, 另外再点一客蒜香排骨.小熊话哩间上海店好出名, 果然见到食家蔡澜一个大大嘅"蔡澜推荐"金招牌, 记然咁出名, 就专登试吓最最最简单嘅野, 豆浆!试过好多上海店嘅豆浆, 淡茂茂, 唔
未封路之前, 久不久都话揸车经跑马地转个大圈过返九龙, 今次专程坐电车入去感受一下, 当然..... 面目全非了......
如果唔系出差香港岛, 被D港岛区同事无意间知道我识少少风水, 叫我去佢跑马地屋企睇睇, 相信都唔会走入嚟.
睇完风水之后, 由于想自己四处行下缅怀一翻, 于是婉拒咗同事晚饭之邀请, 约埋女友小熊四围行.
行到一处叫绵发街, 见到一间叫上海弄堂嘅餐厅, 小熊话哩间上海菜好出名, 于是就入去帮衬.
其实...... 吸引我行入去绵发街原因系我见到一个类似战时防空洞入口嘅建筑物.
小熊睇份 menu 睇得好开心, 我就八八卦卦睇个防空洞.....
问小熊有咩想食, 佢话睇中好多野.....
最后点咗两个 set, 前菜有熏鱼, 醉鸡, 小笼包, 酸辣汤, 主菜有狮子头同红烧肉百页结, 担担面一辣一走辣多葱, 另外再点一客蒜香排骨.
小熊话哩间上海店好出名, 果然见到食家蔡澜一个大大嘅"蔡澜推荐"金招牌, 记然咁出名, 就专登试吓最最最简单嘅野, 豆浆!
试过好多上海店嘅豆浆, 淡茂茂, 唔够甜, 最惨系唔够冻! 简直系死罪, 上海弄堂嘅豆浆, 够甜, 够冻, 有豆味, 暗暗叫喜.
我要求好食嘅小笼包系皮薄但夹起时唔会穿, 内馅有汤汁, 够唔够18个褶唔重要, 够热, 而且馅料足, 上海弄堂都一一做到, 汤汁重辣咀添. 小笼包当然出色.
熏鱼有少少熏香味但唔强, 味道带甜夹自己口味, 而醉鸡渗出浓浓酒香, 皮滑肉实.
第一道上枱嘅菜系酸辣汤, 小熊只系饮咗两啖, 已经话 "好得!", 相比起其他上海店酸辣汤, 眼前嘅酸辣汤够味, 酸味同辣味都好重, 汤嘅质感好浓郁唔系水汪汪, 料亦足够, 一啖酸辣汤入口口感超丰富, 见我饮得津津有味, 小熊好得戚问我 "系咪无介绍错呢? 系咪好好味呢!", 见佢咁得戚个吋样, 我就话.... 一般般啦....
夹开狮子头, 内里猪肉口感"幼滑", 虽然用"幼滑"形容猪肉好奇怪, 但口感又真系幼滑, 唔明点会剁猪肉可以剁到咁幼细, 而且唔系一般淋上浓油赤酱, 系放清汤, 我都系习惯落赤酱.
第一次食百页结, 唔知系咩, 原来系豆腐皮, 终于都见到浓油赤酱! 百页结比豆腐皮软而且渗满不少酱汁, 够入味. 红烧肉脂肪部位嫩滑入味, 猪肉部分肉质唔算太实太硬, 哩款菜送饭一流而且可以连送两碗饭.
讲起上海担担面, 担担面谂起以前新浦岗咏藜园, 而上海面就联想到上海阿娘面, 可惜两样都未试过, 真失败!
如果同依家黄埔嘅咏藜园相比, 份量比咏藜园多好多, 而且花生味亦较浓, 汤鲜咸鲜味亦出色, 所以..... 欣赏上海弄堂多3D.
面质口感系软滑唔系Q弹口感, 夹哂自己口味, 爆 like.
蒜香排骨外层够脆, 内层猪肉炸到有少少干身, 份量大件件无偷工减料.
重有好多菜想试想食, 豆沙锅饼, 清炒虾仁, 红烧牛肉, 但两个套餐份量原来不少, 胀腹了!
小熊又再得得戚戚问我有无介绍错呀! 我冷冷咁回佢.... 话一般般啦!
佢即刻打我! 呜呜呜呜..... ~~>_<~~
小气鬼!
豆浆
20 浏览
0 赞好
0 留言
左酸辣汤，右上熏鱼，右下醉鸡
11 浏览
0 赞好
0 留言
小笼包
25 浏览
0 赞好
0 留言
蒜香炸排骨
15 浏览
0 赞好
0 留言
狮子头
17 浏览
0 赞好
0 留言
红烧肉百页结
12 浏览
0 赞好
0 留言
担担面
14 浏览
0 赞好
0 留言
张贴
