更多
2024-01-14
4733 浏览
丽晶扒房同君悦扒房唔同既系丽晶扒房系有sunday brunch既系多方面都系我杯茶之不过个价就系食过咁多间sunday brunch最贵既每人连加一差唔多要千五蚊虽然丽晶餐厅用ae卡可以有八五折不过因为收年费就cut左卡仲过紧冷河咁所以我就特登book左除夕呢d用唔到任何折扣既日子黎试一次sunday brunch既时间由十一点半去到两点半三个钟时间咁我地就差唔多十一点九去到酒店扒房就同自助餐系同一层不过就要另一条楼梯落去地库有落地玻璃望番出去星光大道扒房另一边连住自助餐个后门因为扒房无独立洗手间要入去自助餐先有时间未到十二点扒房都未算好多人餐厅多数都系四人台仲有多人长台不过位同位就比较迫尤其是仲要出去拎野食条路就有d难行我地呢d窗边就二人台呢度侍应比起君悦扒房热情好多而且今日遇到全场100%都系讲广东话既咁样就真系开心好多一坐低就送上一杯香槟仲有介绍餐牌丽晶扒房sunday brunch索价1288应该系全港酒店之冠而且佢前菜系无冻海鲜龙虾汤同egg benedict都只有一份卖点应该系鱼子酱同埋可能块扒比较贵挂窗口位同自助餐一样都系对住星光大道不过日头阳光越黎越猛去到尾段太阳光就
丽晶扒房系有sunday brunch既
系多方面都系我杯茶
之不过个价就系食过咁多间sunday brunch最贵既
每人连加一差唔多要千五蚊
虽然丽晶餐厅用ae卡可以有八五折
不过因为收年费就cut左卡仲过紧冷河
咁所以我就特登book左除夕呢d用唔到任何折扣既日子黎试一次
sunday brunch既时间由十一点半去到两点半
三个钟时间
咁我地就差唔多十一点九去到酒店
扒房就同自助餐系同一层
不过就要另一条楼梯落去
地库有落地玻璃望番出去星光大道 扒房另一边连住 自助餐个后门
因为扒房无独立洗手间
要入去自助餐先有
时间未到十二点
扒房都未算好多人 餐厅多数都系四人台 仲有多人长台
不过位同位就比较迫
尤其是仲要出去拎野食条路就有d难行
我地呢d窗边就二人台 呢度 侍应比起君悦扒房热情好多
而且今日遇到全场100%都系讲广东话既
咁样就真系开心好多
一坐低就送上一杯香槟
仲有介绍餐牌 丽晶扒房sunday brunch索价1288
应该系全港酒店之冠
而且佢前菜系无冻海鲜
龙虾汤同egg benedict都只有一份
卖点应该系鱼子酱
同埋可能块扒比较贵挂
窗口位同自助餐一样都系对住星光大道 不过日头阳光越黎越猛
去到尾段太阳光就会开始晒入黎
咁呢个brunch香槟就只有一杯
另外汽水系free flow既
入黎果阵侍应都有问要still定sparkling water
我以为有汽水任饮咁水就一定系包埋啦
点知竟然系要收费既
$90
34 浏览
0 赞好
0 留言
另外餐牌写仲有只无酒精既饮品
就系呢支rossino 系草莓气泡果汁
呢只几好饮
咁自助counter就系餐厅入面独立房
因为地方唔大
都耐唔耐会有塞车情况
自助前菜主要分左三张台
最右手面系cold cut
有风干火腿
原板蜜糖 四款芝士同牛角包 牛角包几软又有牛油香
166 浏览
0 赞好
0 留言
78 浏览
2 赞好
0 留言
中间大台有沙律 植物薯片
虾
deviled egg
吞拿鱼 两款烟三文鱼 都唔算系平时系 自助餐轻易见到既食物
228 浏览
1 赞好
0 留言
佢有分pancake或者分子料理
分子料理一只系薯仔一只椰菜花
不过都系pancake比较好
同埋位哥仔都好细心有礼貌
之前系jw the lounge拎鱼子酱就好赶咁
仲有只系龙虾生菜包
同埋呢度系开发式厨房
可以见到个炭火炉同埋牛扒一碟碟咁送出去
不过就未轮到我
咁前菜基本都系高质既
虽然未去到henry放题咁精致
但佢选择比较多
亦都无野可以称得上系唔好食
除左植物全部都可以encore
egg benedict系早段就送上
175 浏览
0 赞好
0 留言
仲有介绍话有d松露
但系个汤就隔左好耐先有
180 浏览
1 赞好
0 留言
所以停左手无再出去拎野
但呢个真空时间都成三四个字
可能人多时间预得唔好
就唔系好明龙虾汤原来都要即刻煮
不过个汤系好浓厚
同埋入面都有龙虾肉
唔够仲可以去揾生菜包补充
可能见我地食得多前菜都无咩停手
佢真系到好尾段净系一个钟唔够先上扒
但其他台有唔少已经一早食完
咁丽晶扒房最特别既体验就系可以拣牛扒刀 虽然我系完全唔识
但又并唔系网上有个youtuber咁讲净系刀柄既分别
我就拣左侍应话重少少望落去有d唔同既法国刀
德国同法国刀每样一把
仲有六种盐同芥末 就算系share碟都系热热地既
系度锯扒都几有仪式感
最后两块扒系一齐上既
103 浏览
0 赞好
0 留言
但望落去就好似靓好多
可能因为无切开一旧过挂
餐牌都有三款美国牛可以拣
大块既系10安士肉眼扒
细块既6安士牛柳
另外唔少得既当然系芝士通心粉
一样都系充满芝士味
仲有个拣左磨菇
呢份都系好香口
42 浏览
0 赞好
0 留言
块肉眼切落去都feel到好有肉汁
但睇只色就唔系太似侍应所讲主厨建议既medium rare
咁肉眼食落都差正常唔太差
但系件牛柳就韧韧地又柴柴地
同君悦既感觉差唔多
都系肉眼仲淋过件牛柳
唔通牛柳真系好难煎?
明明系henry食过咁柔软
都差唔多去晒香港d酒店扒房
但系食块扒都要抽奖咁先知好唔好食
搞不掂
最后仲有个甜品柜 以sunday brunch黎讲款式都几多
但又好似同格离自助餐有d似
但其实我地勉强食完两块扒都已经差唔多两点半
自助区时间就黎完
真系每样极速拎一件就出番黎
135 浏览
0 赞好
0 留言
只可以好勉强咁试下
就应该真系同自助餐既甜品系一样既
连庆祝蛋糕都系一样 不过我remark左两句字比较长
佢就比左两份我
最后呢度系无雪糕供应
但就有每人一件既心太软 岩岩焗起仲好流心
味道唔错
除左果汁任饮之外都仲有餐饮一杯
今次all in冻柠茶
最后因为食埋扒都超过十成饱
两份side同送既蛋糕仔都食唔落要打包走
我地都继续食到三点四先走
格离自助餐就已经完左好耐
所以去厕所都唔会点迫
但真系两间餐厅咁多客
只有两个厕格定尿兜呢个设计就唔系太掂
仲有就系埋单先见到水有另收钱
平时都唔会犯呢个错误
所以见尾段佢帮我地加既水都系无牌子既 除夕日子零折
埋单两千九百几
平均一人就要1466
呢个价系la table既三倍
夜晚去其他酒店锯扒都无咩难度
咁食物虽然高质
同埋有鱼子酱任食
但始终龙虾汤心太软都系得一份
亦都都无冻海鲜之类
甜品又同自助餐一样
当减番官网见到块扒除番个安士大约五六旧水既正价
其实都已经系等于三月果时系系harbourside既价位
呢排睇番自从开业之后
成个丽晶都mark up晒
尤其见到丽晶轩同欣图轩相比直头好似两间餐厅咁
咁可能呢个地点真系唔优做
不过都要讲番个服务系无得顶既
最重要都系可以讲番广东话
同埋都系贴心既
完全就系米芝莲餐厅水准
呢个就系同君悦扒房henry既分别
系文华扒房既lv
而餐厅景都系唔错既
同自助餐共用同一个星光大道景
不过因为位于地面楼层就唔算系好靓既海景
而且位同位少迫都系差少少既
咁整体食物唔错
餐厅就几满意
奈何价钱实在系太偏贵唔系太食得起
张贴