影片
更多
2012-04-08
215 浏览
1月21日, 晏昼食完个唔系咁满足嘅拉面, 夜妈妈睇完戏个肚又开始饿, 口痕痕加上冻冰冰自不然咁就会想嚟强记食糯米饭~ 十年如一日, 食咗十几年呢度都仲系咁嘅样, 装修冇变不特止, 连野食都系一样, 唯一唔同系价钱…::: 什锦腊味糯米饭 ::: $25先嚟个暖胃最佳选择, 亦系必食嘅糯米饭! 热辣辣香喷喷嘅糯米饭放上枱, 仲冒紧烟架~ 虽然唔系大碗, 但系好欣赏佢超级足料, 腊肠、润肠、腊肉同冬菇, 加埋少少葱花, 真系啖啖都好满足! d料都唔会蒸得好干, 唔会硬掘掘~ 腊肠润肠有少少油, 虽然唔算系好健康, 但系就系呢d油令到佢地更加香口惹味~ 冬菇够淋够滑味道亦都好衬个糯米饭~ 甜豉油份量落得好适中, 糯米饭唔会过干过油又唔会甜得滞, 饭嘅质感亦啱啱好, 每一粒都好有黏性, 咬落又弹牙, 正! 而其实最加分嘅, 当然唔少得坐喺街边食乘著凉风下食嘅特有风味~::: 香煎虾米肠粉 ::: $14煎虾米肠都系呢度出名食品之一, 不过我地食过可可店嘅煎肠粉加蛋, 相比呢度就唔太特别~ 份量以$14嚟讲真系唔多, 煎嘅感觉亦唔重, 因为个皮煎得唔够香亦唔够脆, 只可以当系干身虾米肠咁食~
::: 什锦腊味糯米饭 ::: $25
先嚟个暖胃最佳选择, 亦系必食嘅糯米饭! 热辣辣香喷喷嘅糯米饭放上枱, 仲冒紧烟架~ 虽然唔系大碗, 但系好欣赏佢超级足料, 腊肠、润肠、腊肉同冬菇, 加埋少少葱花, 真系啖啖都好满足! d料都唔会蒸得好干, 唔会硬掘掘~ 腊肠润肠有少少油, 虽然唔算系好健康, 但系就系呢d油令到佢地更加香口惹味~ 冬菇够淋够滑味道亦都好衬个糯米饭~ 甜豉油份量落得好适中, 糯米饭唔会过干过油又唔会甜得滞, 饭嘅质感亦啱啱好, 每一粒都好有黏性, 咬落又弹牙, 正! 而其实最加分嘅, 当然唔少得坐喺街边食乘著凉风下食嘅特有风味~
::: 香煎虾米肠粉 ::: $14
煎虾米肠都系呢度出名食品之一, 不过我地食过可可店嘅煎肠粉加蛋, 相比呢度就唔太特别~ 份量以$14嚟讲真系唔多, 煎嘅感觉亦唔重, 因为个皮煎得唔够香亦唔够脆, 只可以当系干身虾米肠咁食~ 好彩味道都可以, 肠粉都够薄同有米香, 虾米唔多但系都算食到, 混埋酱一齐食, 豉油味丰富, 合格~
::: 香草陈皮绿豆沙 (冻) ::: $15
绿豆沙够晒冰冻~ 绿豆煲到起晒沙, 除咗香草之外仲加添咗陈皮, 味道份外清新浓郁! 好钟意佢全部材料到煲到溶晒~ 所有味道都融合晒一齐, 口感又杰又绵又够沙, 正!
仲记得以前细个天气冻𠮶阵, 就有d推车仔出嚟卖糯米饭, 而家就梗系冇晒喇… 所以卖糯米饭嘅小店越来越买少见少, 仲要系好味足料嘅更加难揾~ 估唔到呢度可以开足咁耐, 由$1X食个糯米饭到而家, 水准都仲可以咁好, 难得难得~ 可能呢度唔算系全香港最好食嘅, 但系就一定系我地食过剩余小店最有回忆嘅~
张贴
