影片
更多
2020-09-21
440 浏览
星期六又系同呀妈四周围行下觅食嘅亲子时光，🤣潮妈睇完Youtuber介绍就话想食依间位于炮台山嘅「鱼事者」。难得佢有好提议，我梗系奉陪到底。餐厅门口已经好引人注目，因为系用上大热嘅湖水绿色做主色调😍，令人舒服之余又唔造作。不过环境面积颇细，繁忙时间都几大机会要等位。餐厅改个咁特别嘅名，当然有玄机喺入面！你无估错，绝大部份菜式都系关「鱼」事㗎🐟，鱼类制品全面进场，包括鱼面同鱼汤等。食物价钱大众化，但留意番份量系偏精致，男仔可能要嗌多少少小食先够食。由于样样食物都好过瘾，全部都想试，所以我哋叫多咗啲啲...，真系啲咁多🙈。黑白鸳鸯春卷配黄锦锦咖喱汤爽弹鱼面($46)，🍜汤面(即系有得拣至系老板系列)可以自选汤底同面底。阿妈本身有兴趣试车仔面𠮶款，但原来𠮶款汤底指定咗，于是就转战春卷。「黑白鸳鸯」春卷系指鱼同墨鱼，而咖喱汤🥘闻落超香，食落都OK！面底当然试招牌鱼面，另有得拣米线或者米粉。泰式-虾头油炸虾球鱼面捞($66)，轻松Come捞鱼面系列有几款拣，港西日泰川式任你选择😉。我拣咗🇨🇷泰式口味，捞面造型吸引，而且非常够汁，但我认为味道可以再重口味啲，贯彻番泰菜𠮶种酸酸辣辣嘅感觉。无论汤煮定
餐厅门口已经好引人注目，因为系用上大热嘅湖水绿色做主色调😍，令人舒服之余又唔造作。不过环境面积颇细，繁忙时间都几大机会要等位。
餐厅改个咁特别嘅名，当然有玄机喺入面！你无估错，绝大部份菜式都系关「鱼」事㗎🐟，鱼类制品全面进场，包括鱼面同鱼汤等。
食物价钱大众化，但留意番份量系偏精致，男仔可能要嗌多少少小食先够食。由于样样食物都好过瘾，全部都想试，所以我哋叫多咗啲啲...，真系啲咁多🙈。
黑白鸳鸯春卷配黄锦锦咖喱汤爽弹鱼面($46)，🍜汤面(即系有得拣至系老板系列)可以自选汤底同面底。阿妈本身有兴趣试车仔面𠮶款，但原来𠮶款汤底指定咗，于是就转战春卷。「黑白鸳鸯」春卷系指鱼同墨鱼，而咖喱汤🥘闻落超香，食落都OK！面底当然试招牌鱼面，另有得拣米线或者米粉。
泰式-虾头油炸虾球鱼面捞($66)，轻松Come捞鱼面系列有几款拣，港西日泰川式任你选择😉。我拣咗🇨🇷泰式口味，捞面造型吸引，而且非常够汁，但我认为味道可以再重口味啲，贯彻番泰菜𠮶种酸酸辣辣嘅感觉。无论汤煮定汁捞，鱼面都系十分弹牙，鱼肉嘅比例拿捏得好好。不过唔知系咪错觉，汤面份量好似多啲。
下午茶B: 吉列猪扒 + 炸鱼无薯条 + 鱼粒莎莎($43)，叫呢份餐系因为想食「无薯条」，嗌餐抵过单点嘛。🐷吉列猪扒上碟时经已切件兼去骨，食用方便，吉列皮炸得好脆，而猪扒就并非厚切。至于主角「炸鱼无薯条Fish AS Chips🐟❌🍟」真系不得不介绍，个样完完全全系麦记𠮶种幼身炸薯条，点知佢系毫无薯仔成份🥔，基本上佢系条状炸鱼蛋。味道唔错之余，又够哂趣！
下午茶F: 港式多士三并配黑松露酱($33)，🍞三拼多士好吸引，包埋鱼、虾同墨鱼，三款味道分别唔太大，但同样系好食😋。因为鱼肉层唔太薄，而多士就够脆，不过一定要衬热食哦～。大部份餐均会配上沙律菜🥗，好似系健康啲(除非唔系)。
手工鱼皮($26)，呢个相对普通，因为就只系鱼皮啰，而且碎湿湿咗啲😳。不过搭配嘅「双子酱」就几惹味，满满嘅蟹籽沟明太子酱。
鱼汤翡翠苗($16)，菜苗草青味走唔甩，但都预咗🌱，哈哈。鱼汤唔浓郁亦唔腥，清清哋。
梳肝花茶系列有四款拣(原价$18, 下午茶转跟$5)，我哋要咗蝶豆花柠蜜茶💜同桂花雪梨绿茶💚，两杯只色都好靓。味道就正正常常啦，唔会过甜，我钟意蝶豆花𠮶杯多啲。
题外话，小店系新开，店员好好人特意送咗两个♻️环保折叠式餐盒畀我哋，用佢嚟买外卖仲有得减几蚊添！
总括嚟讲，餐厅系难得嘅特色店，因为系专卖鱼制品(并非鲜鱼)，味道老少咸宜，除非真系好憎食鱼(蛋)嘅人啦😂。虽然最后我哋系食咗好多嘢，每人消费过百，但换个角度睇呢餐咁丰富，性价比都算唔错。
张贴
