影片
更多
2024-06-24
56 浏览
今次黎到一间特色既印尼汉堡小店，老板之前系做到会餐单外送，依家就自己出嚟开呢间舖头，融合咗老板娘家乡既印尼特色自制酱料，重点系所有食材都系新鲜自制，而唔系买现成既返黎加工，令到所有野既味道更加贴合客人要求同健康👏🏻水滴吉列猪堡 + 三重芝士薯条（餐价$84连饮品）呢个汉堡包嘅最大特色就系佢嘅面包系完全自制，模具都造成独创既水滴型，而老板最强调既系所有面包制造唔会落一滴水，令到面包更加厚实同香浓，中间既吉列猪扒炸到非常香脆，加上自己煮既酱汁，令到成个汉堡包非常惹味🍔另外跟餐上薯条，个特别卖点就系佢地自己制造嘅三重芝士酱汁，我地都特别选择咗蒜蓉味，老板话蒜蓉要先炒香，之后再加上芝士去煮个酱汁，会令蒜蓉味道唔会太辣，又可以好好融合入到芝士🍟印尼沙嗲拼盘（$158）沙嗲拼盘有牛肉猪肉同鸡可以选择，咁我哋就选择咗食鸡肉串烧，呢个沙嗲拼盘嘅卖点都系佢地自家制嘅串烧酱料，用印尼特色既酱料加埋花生碎，成个酱料少少辛辣但系又有花生嘅香味，可以好好衬托到沙嗲串烧🍡冻印尼甜茶（跟餐已包）店员特别介绍咗呢两样特色饮品比我哋，第一个系印尼嘅甜茶，有啲似中国嘅红茶，加上少少嘅甜味，店员推介呢个甜茶有清凉既效果，好
水滴吉列猪堡 + 三重芝士薯条（餐价$84连饮品）
呢个汉堡包嘅最大特色就系佢嘅面包系完全自制，模具都造成独创既水滴型，而老板最强调既系所有面包制造唔会落一滴水，令到面包更加厚实同香浓，中间既吉列猪扒炸到非常香脆，加上自己煮既酱汁，令到成个汉堡包非常惹味🍔
另外跟餐上薯条，个特别卖点就系佢地自己制造嘅三重芝士酱汁，我地都特别选择咗蒜蓉味，老板话蒜蓉要先炒香，之后再加上芝士去煮个酱汁，会令蒜蓉味道唔会太辣，又可以好好融合入到芝士🍟
印尼沙嗲拼盘（$158）
沙嗲拼盘有牛肉猪肉同鸡可以选择，咁我哋就选择咗食鸡肉串烧，呢个沙嗲拼盘嘅卖点都系佢地自家制嘅串烧酱料，用印尼特色既酱料加埋花生碎，成个酱料少少辛辣但系又有花生嘅香味，可以好好衬托到沙嗲串烧🍡
冻印尼甜茶（跟餐已包）
店员特别介绍咗呢两样特色饮品比我哋，第一个系印尼嘅甜茶，有啲似中国嘅红茶，加上少少嘅甜味，店员推介呢个甜茶有清凉既效果，好适合配合炸物🍹
冻手工西柚蜜梳打（$37）
而另一款手工西柚蜜梳打，西柚肉系完全用新鲜西柚手打，饮既时候可以品尝到啖啖果肉，同埋好新鲜黎自西柚既独特味道😋
呢间餐厅全部食物都系有原材料制造完成，完全唔会用预制菜，健康卫生又比较有特色，佢地仲有其他到会既菜式组合，下次屋企搞party可以一试😆
张贴
