影片
更多
2015-10-29
629 浏览
今晚约咗家姐晚餐. 听过同事讲K Square 唔错. 而且旺角有分店. 就系 K Square 4. 上网睇食评都唔差. 就不防试一试. 入到餐厅, 是一间很细的店舖. 大概只可以容纳25-30人左右. 门口有Bar 枱. 虽然店舖细. 但绝对唔会迫, 坐得好舒服. 插放一些外国歌曲. 系一个可以倾计的好地方. 餐厅有酒/果汁/奶惜/沙冰....除晚餐外亦有午餐/Tea Set. 虽然我地今晚系食晚餐. 但都想介绍一下餐厅嘅午餐及Tea Set. Tea SEt, 有10款任拣. 而且价钱都算平. 平均38-58. 多选择. 并唔系一般的西多士, 鸡翼餐.午餐, 有8款拣, 发现价钱仲平过觐塘西餐厅. 平均都系58-68. 午餐仲要免加一服务费. 好喇, 介绍完其他餐, 都要介绍一下我地今晚食嘅二人晚餐. $388.00有餐汤, 头盘有四款拣一款. 主菜有10款拣二款, 甜品(可加$38转餐牌任何甜品), 水果果茶(可以半价转餐牌其他饮品) 是日餐汤: 青豆汤. 好香青豆味. 浓郁. 仲食到少少青豆蓉, 唔好好似水. 还有一条面包条. 脆脆的. 头盘, 我地拣咗三文鱼凯撒沙律, 烟三
餐厅有酒/果汁/奶惜/沙冰....除晚餐外亦有午餐/Tea Set. 虽然我地今晚系食晚餐. 但都想介绍一下餐厅嘅午餐及Tea Set. Tea SEt, 有10款任拣. 而且价钱都算平. 平均38-58. 多选择. 并唔系一般的西多士, 鸡翼餐.
午餐, 有8款拣, 发现价钱仲平过觐塘西餐厅. 平均都系58-68. 午餐仲要免加一服务费.
好喇, 介绍完其他餐, 都要介绍一下我地今晚食嘅二人晚餐. $388.00有餐汤, 头盘有四款拣一款. 主菜有10款拣二款, 甜品(可加$38转餐牌任何甜品), 水果果茶(可以半价转餐牌其他饮品)
是日餐汤: 青豆汤. 好香青豆味. 浓郁. 仲食到少少青豆蓉, 唔好好似水. 还有一条面包条. 脆脆的.
头盘, 我地拣咗三文鱼凯撒沙律, 烟三文鱼/沙律菜/温泉蛋/脆脆面包粒. 整个沙律好清新. 沙律汁刚刚好. 唔好落得太多. 温泉蛋又好味.
主菜, 我地拣咗牛肋骨 & 石班柳配牛油柠檬汁. 先讲牛肋骨, 职员提议5成熟. 就听意见啦! 当牛肋骨送到枱时, 一阵香味扑鼻. 而且厨师非常细心. 切好一片片上碟. 还有脆卜卜的薯角. 有烧汁及黄介辣. 牛肋骨5成熟. 不但没有血淋淋感觉. 亦没有血腥味. 食落肉质好软, 而且肉汁多. 好有牛香味. 我自己比较喜欢任何酱都唔要. 因为可以食到原汁原味.
石班柳配牛油柠檬汁, 香喷喷, 配上忌廉薯蓉, 鲜露荀, 什菜. 石班柳虽然系冰鲜的. 但完全没有雪味, 而且肉质非常滑. 感觉唔似系冰鲜. 忌廉薯蓉我嘅至爱, 软绵绵, 好味.
饮品, 我地加钱转咗餐牌的饮品, 由于我唔饮酒的. 所以叫咗一杯"果汁千层", 有橙/菠萝/提子/蔓越莓汁. 酸酸甜甜好醒胃.
而家姐就叫咗两杯酒精饮品, 为配合嚟紧嘅万圣节. 职员介绍以下2杯饮品餐前酒: 脑浆; 火龙果/橙汁/ Campari / S & S
家姐话就咁饮只会饮到酒精及橙汁味, 火龙果味不是太出. 但配合了牛肋骨一齐, 整杯酒就变得很好饮.
餐后酒: 迷你兵团; 蛋酒/芒果酱/荔枝/蓝莓我地见到呢杯酒, 实在大家一齐笑了. 因为好CUTE呀. 如果变成绿色, 就成只青蛙. 好搅笑. 家姐话呢杯酒好香好好饮. 好有芒果味. 又唔会抢咗蛋酒个味道.
最后, 就系甜品, 原本想加钱转 "鐡板心太软"的. 但实在太饱了. 所以最后都系食咗餐厅的是日甜品, 曲奇雪糕
今晚晚餐, 食到饱饱, 每人都系$282.5. 本人就觉得好抵呀!另外, 万圣节餐厅会有万圣节大餐, 大家不防去试吓.
张贴
