樂天皇朝 (雅蘭中心)

营业中

休息中

上次系雅兰见到乐天皇朝，已经好想食佢既小笼包。今日出开旺角行街，梗系要食番佢。餐厅系传统中式布置，座位阔落，用餐环境舒适，适合聚会，但系又唔会太嘈。- 特色皇朝小笼包 (八色)最想食既一定系皇朝小笼包，有齐 8 种口味。每种口味有各自颜色，色彩缤纷，好有特色，必定要试。可以由中间开始，跟住顺时针食，就会由淡味食到浓味。每个小笼包都系皮薄馅多汤汁多，真系好正；个人觉得蒜香，蟹粉，黑松露味道最特出，配搭得最好。- 皇朝担担拉面食上海菜，担担面都系必叫。虽然系净面，不过汤汁好香浓，好重麻酱同花生味，不过就比较辣。- 上海生煎包生煎包即煎，底部香脆，而且肉汁多。- 蒜蓉炒菠菜超香蒜蓉味，好难得有餐厅炒到咁香咁好食，不过份量就比较少。- 香煎豆沙锅饼 & 姜茶黑芝麻汤圆食饱咗，当然要食埋中式甜点 - 豆沙锅饼，芝麻汤圆。豆沙锅饼，外皮香脆，豆沙蓉绵滑，甜度适中。姜茶味道几好，有少少辣，饮完个身会暖咗。- 柠檬菊花蜜试咗杯柠檬菊花蜜，少少柠檬既酸味，但系最后系有蜜糖既清甜，值得一试。