聖安娜餅屋 (已結業)

周三晚，移居美国多年o既表姐一家五口抵港游玩探亲。为欢迎刚于飞机渡过生辰o既Haley公主驾到，入住寒舍，XO爸B就专登喺「圣安娜饼屋」订咗个「红粉菲菲」公主蛋糕氹氹小朋友。小肥每个月真系买唔少蛋糕，深知凭汇丰或恒生信用咭亲身于「圣安娜」预订蛋糕即可享有八五折优惠，不必多问已能以优惠价$408购下靓爆镜o既「红粉菲菲」（原价$480），成功悭咗$72。由于蛋糕由原个公主公仔造出，差不多成十二吋高，家中o既雪柜当真无法摆得落，我地结果要以冰袋及干冰于室内雪藏，等小公主一到步就先吹蛋糕。（建议大家购买此蛋糕前要量度定雪柜是否有足够空间，或问定餐厅有否位置帮忙雪藏大蛋糕。）一刀切落去，即可见三款渐进粉红色o既忌廉裙下有多层雪芳蛋糕。为怕糕品塌下，我地就先分切上半条裙，真系估唔到都有成四层蛋糕咁多。粉红色o既忌廉软滑甜美，蛋糕又够松软，就连里面o既生果粒亦清香爽脆，「红粉菲菲」果真又靓又好味！切到咁上吓，终于见到「红粉菲菲」公主喺糕心o既身体，好卫生咁用胶袋保护住。见状，Haley公主已急不及待要为公仔洗澡，并穿上连糕送赠之公主便装。寿星女访港之旅首日，虽则唔系咁认得四年前曾经见过o既家人，入