潮．悅 (始創中心)

营业中

休息中

公司饭局订咗太子始创中心嘅潮.悦，酒楼位于4楼，但喺后面部上有啲难揾，酒楼装修好新，天花几支水晶灯好光猛。先来乳猪全体，而家新式乳猪全体系无骨，唔会好肥猪皮够脆，一人两件，唔错。上汤龙虾伊面，都算大碟伊面几多，龙虾大件，啱啱一人一件，龙虾新鲜走油弹牙。碧绿花枝蚌片大大碟，食极都有。脆炸凤尾虾多士，酒楼都有得食，热辣辣即炸，多士香脆，上面虾滑包住鲜虾，洒上芝麻够Q弹。炖鸡汤，成盅用料十足，汤浓好饮。清蒸龙趸就有点失色，一来过晒火，二来条鱼有啲味，唔好食。脆皮烧鸡系冰鲜鸡，都炸得唔错，最紧要皮够脆，有鸡油香唔会梅。仲有个什菌浸豆苗有啲油，不过食落好香好滑，豆苗够嫩。