天馬快餐 (已結業)

70、80年代舊式快餐店已經買少見少，想不到呢個喺領展管理之下嘅愛民邨愛民廣場，竟然發現到呢間1977年開業嘅「天馬快餐」。其中招牌菜係呢個$22超足料「米高漢堡」麵包烘得香脆，新鮮人手打製牛肉超厚身，肉質結實咬落勁Juicy，蕃茄好新鮮，煎蛋同芝麻味道突出，勁多洋蔥一啲都唔孤寒！跟餐仲可以配埋勁粗嘅波浪薯條同嘢飲，當晏晝咁食都已經飽晒隨著港鐵觀塘綫延綫10月通車，相信何文田又會有另一番新景象，希望到呢類街坊老店唔會因此而消失，同時唔再全部都係倒模一式一樣嘅商場。