六合小廚 (已結業)

去尖沙咀睇完新楼盘，就去左中港城附近的六合小厨食早餐。其实早餐佢真系好多选择，最后我地拣左呢两款：滑蛋炒义烧夹猪仔包配卤水鸡翼米粉~滑蛋义烧夹猪仔包系好食嘅，包系热，蛋够滑，义烧系半肥瘦，整个组合又好得㖞。卤水鸡翼米粉正常，卤水鸡翼入味，可以再加多d色。湛江咸鸡粥配肠粉~生滚粥最怕材料过生过熟，生还可以浸耐d，熟会鞋口。呢度个粥的好处系材料新鲜，上枱煮得岩岩好，鸡肉不鞋，系滑嘅，连鸡皮鸡油落粥，配搭得宜，粥底系偏淡。早餐黎讲，鸡肉味咸，加埋鸡油配偏淡粥底，有鸡味得黎，容易入口消化。肠粉够热，正常口感，甜酱分开上，够衞生。跟餐叫左一冷一热的奶茶，奶茶系滑嘅，对我黎讲，呢度茶同奶的比例岩岩好，值得赞。