影片
更多
2024-08-26
1163 浏览
好多年无去过六福食啦，呢个地方有好多唔同嘅回忆，难得有个多年无见嘅朋友再去，吃得特别开心快乐。再想起食过几次那年代，系食得最多写得最多的时代，系所谓食网最流行的时间，然后有次Openrice出书竟然quote左自己写乜而开心了半天的那个简单时代。过尽千凡的年代后，再来到这里的下午，再见番朋友同回忆的双重影响下，呢餐饭都别有感触，人成长好，不过六福食左十几年始终不变，无他，咁多年一星都无跌番，已经系最强的证明。食过四五次嘅椒盐奇脆豆腐完全无退步，每次食六福都一定要叫。反而无记忆有冇食过生扣北菇鸡脚，例牌$188好似好贵，但食落个味道真系令人难以忘怀，生扣个汁真系非常精彩，呢个时候最想食一碗饭。无食椒盐鲍鱼，反而朋友点左果皮蒸鲍鱼，选了南非鲍鱼，真系超大只，而且时间掌握得正好。又系必点之作，西贡地道鱼汤，一窝$248，不过记得以前系泰海鲜会见到好多鱼，呢到嘅鱼汤干净好多。豉椒炒蛏子皇煎米粉用个热砂煲来食，我以为自己未食过，同老板讲开佢问我以前食乜，揾番啲相我先知原来我食过，海斑龙吐珠炒球，连加工都系千几蚊，真系物超所值。个球当然系做得完美，连个鱼身唔系整得靓咁简单，连骨食都系脆。试下鲜菠萝
好多年无去过六福食啦，呢个地方有好多唔同嘅回忆，难得有个多年无见嘅朋友再去，吃得特别开心快乐。
再想起食过几次那年代，系食得最多写得最多的时代，系所谓食网最流行的时间，然后有次Openrice出书竟然quote左自己写乜而开心了半天的那个简单时代。
过尽千凡的年代后，再来到这里的下午，再见番朋友同回忆的双重影响下，呢餐饭都别有感触，人成长好，不过六福食左十几年始终不变，无他，咁多年一星都无跌番，已经系最强的证明。
食过四五次嘅椒盐奇脆豆腐完全无退步，每次食六福都一定要叫。
反而无记忆有冇食过生扣北菇鸡脚，例牌$188好似好贵，但食落个味道真系令人难以忘怀，生扣个汁真系非常精彩，呢个时候最想食一碗饭。
无食椒盐鲍鱼，反而朋友点左果皮蒸鲍鱼，选了南非鲍鱼，真系超大只，而且时间掌握得正好。
又系必点之作，西贡地道鱼汤，一窝$248，不过记得以前系泰海鲜会见到好多鱼，呢到嘅鱼汤干净好多。
豉椒炒蛏子皇煎米粉用个热砂煲来食，我以为自己未食过，同老板讲开佢问我以前食乜，揾番啲相我先知原来我食过，
海斑龙吐珠炒球，连加工都系千几蚊，真系物超所值。个球当然系做得完美，连个鱼身唔系整得靓咁简单，连骨食都系脆。
试下鲜菠萝生炒骨，呢个相对无海鲜咁令人沉迷，不过都几好食。
豉油王炒肉蟹，共$766，虽然系肉蟹，都有不少蟹膏，不过，个人食蟹都系觉得懒惰，喜欢食虾多一点。
醋炒芥兰又系呢度名物，醋炒呢个方法应该都真系只此一家。
豉油王炒面又系最后一个一定要食嘅推荐，劲多芝麻炒得好干身，应该无人不爱，平时豉油王炒面你食到嘅系镬气，呢到食到嘅系一股高贵的味道。
仲有免费甜品椰汁西米糕送，听讲系员工特登喺九龙城买料入嚟整，都唔错。
食完餐，谈起很多人与事，和两位很久不见的朋友再讲起很多事，很无聊的人，再谈也是浪费自己时间，和那天有毒的人和关系讲再见吧。
张贴
