Ohayo

营业中

休息中

夜晚830左右去食，经过见到装修唔错，食评都唔错，就入去trytry。首先有餐汤，系番茄汤，完全系茄膏加水，仲要超级咸。朋友叫咗个all day breakfast，原只煎鸡髀嘅肉有啲老，仲好干，其他配菜都系罐头味or预制加热only。我就叫咗烧烤酱煮牛肋条，真系超难食，摆明唔系自己煮，攞出黎我摸一摸个碟，系冻嘅，放入口，真系冻嘅，想像一下屋企整牛腩煲，但系放咗大半日，啲油都已经停晒喺面头，就系冻到咁，佢暖暖地都冇咁嬲，仲要啲肉摆明唔系自己煮，又系预制加热，啲肉嘅质感好似腊肉咁，总之唔系新鲜嘅肉，切开见到入边有少少粉红色，以为佢煮得嫩，但系摆入口先知原来单纯因为放喺个包装袋入边腌得太耐，但系卖我成$150，仲要超级咸，所以成餐最好食得佢配嘅薯条。原本仲想食完正餐食埋个甜品，因为又系见网上comment最多人都系话个甜品好食，但食到一半我哋已经话想走，完全唔想再俾钱佢赚。海港城嘅价钱，仲差过茶餐厅嘅质素。