影片
更多
2018-07-03
316 浏览
见系超莲开既牛肉面店，又几近公司，决定同同事lunch time黎试下。餐厅唔算好大，有五、六张枱到，每张约坐到4至8人不等。装修几简扑，但几有新派台湾feel。环境就唔算静，食碗面系ok既，但如果谂住同朋友坐底好悠闲咁吹水就未必得。Weekday大约12点20分黎到，餐厅坐位约6到7成满，唔洗排队，不过坐位既安排就系摆明要撘枱果种。坐底好快就有店员俾餐牌你点𩠌，系好似tick点心纸果种。不过张点菜纸系可以recycle既，环保，值得赞。主食叫左三合一招牌拌面，朋友叫左麻辣牛肉面。面有得拣软或硬，咁当然我地都系拣左硬。小食就叫左$38蚊双拼卤猪血糕、卤猪耳，同埋麻辣臭豆腐。落单唔够三分钟，竟然系拌面就即刻上碟，过多一分钟牛肉面都黎埋。反而小食就迟少少上菜，都要七到十分钟。先讲三合一招牌拌面: 份量几多，男仔食应该够饱。三合一姐系有牛腩、牛肚同牛筋。牛腩有四旧、牛肚有六、七细条、牛筋都有四旧，仲有波菜添。牛腩做得几淋，唔会太肥，一食落去唔会太咸，食得出系真系冇加味精。牛筋几唔错，入味又淋，三样觉得最好食系牛筋。反而牛肚就冇咩特别，有啲切得太幼太细条。辣度就一般般，小辣，唔食辣既人都应该一
餐厅唔算好大，有五、六张枱到，每张约坐到4至8人不等。装修几简扑，但几有新派台湾feel。环境就唔算静，食碗面系ok既，但如果谂住同朋友坐底好悠闲咁吹水就未必得。
Weekday大约12点20分黎到，餐厅坐位约6到7成满，唔洗排队，不过坐位既安排就系摆明要撘枱果种。坐底好快就有店员俾餐牌你点𩠌，系好似tick点心纸果种。不过张点菜纸系可以recycle既，环保，值得赞。
主食叫左三合一招牌拌面，朋友叫左麻辣牛肉面。面有得拣软或硬，咁当然我地都系拣左硬。小食就叫左$38蚊双拼卤猪血糕、卤猪耳，同埋麻辣臭豆腐。
落单唔够三分钟，竟然系拌面就即刻上碟，过多一分钟牛肉面都黎埋。反而小食就迟少少上菜，都要七到十分钟。
先讲三合一招牌拌面: 份量几多，男仔食应该够饱。三合一姐系有牛腩、牛肚同牛筋。牛腩有四旧、牛肚有六、七细条、牛筋都有四旧，仲有波菜添。牛腩做得几淋，唔会太肥，一食落去唔会太咸，食得出系真系冇加味精。牛筋几唔错，入味又淋，三样觉得最好食系牛筋。反而牛肚就冇咩特别，有啲切得太幼太细条。辣度就一般般，小辣，唔食辣既人都应该一定食到。可惜既系拌面既酱汁唔系好多，汁都唔够浓，只系刚刚好够令到碗面有咸味。
三合一招牌拌面
$95
26 浏览
1 赞好
0 留言
麻辣牛肉面我就冇食啦，不过试左个汤，唔会太咸，但都唔系好麻辣。朋友话都ok，牛肉同面既份量都好够。总体黎讲好过太兴集团果间连锁台湾野既牛肉面。
麻辣牛肉面
$78
29 浏览
0 赞好
0 留言
至于小食，双拼卤猪血糕同猪耳，猪耳几淋，正常味。卤猪血糕就几特别，入面一粒粒系糯米，不过食到既系糯米比较多，冇咩猪血味。反而小碟上个酱汁几好食，咸咸地，几吊味又开胃。
卤猪血糕、猪耳
$38
14 浏览
0 赞好
0 留言
另外一个小食，麻辣臭豆腐就真系几好食，臭得黎唔算太臭，豆腐唔系炸过既。个汁似系胡椒汤咖辣油，唔错。
麻辣臭豆腐
$32
49 浏览
0 赞好
0 留言
总体黎讲呢间餐厅系比较啖口味既。如果你系想食好香又重口味既就未必岩你，但如果你系想食碗牛肉面，唔想食味精既，呢间系唔错既选择。虽然价钱唔算平，但份量系几够既，牛肉质素都唔错。
见系明星开既小铺就去观摩下，有兴趣既试一试都无妨。
张贴
