影片
更多
2023-02-28
620 浏览
对好多人嚟讲，返返吓工走去食铁板烧午餐系一件好遥远嘅事，估唔到喺呢间餐厅，就实现咗我呢一个「愿望」。呢度嘅午市套餐十分抵食，除咗有各式各样嘅鱼生饭拉面同埋锅物，更重要嘅系佢竟然有$200唔使嘅铁板烧午餐。我同朋友各自都嗌咗一个餐，先来头盘，系冇乜特别嘅麻酱沙律同埋茶碗蒸。想讲一讲个茶碗蒸，我个人认为正宗而且好味嘅日式茶碗蒸应该系𢳂落去呈肥膏状态嘅滑溜，然后喺只匙羹度摇摇欲坠，迅速就要放入口，然后一啖食落去，有鸡汤、银杏、同埋蘑菇——好庆幸呢度嘅茶碗蒸系几得。之后第一味菜拣咗带子，望住师傅喺面前将新鲜嘅带子用铁板整熟，然后加少少牛油汁将佢烤香，面头青椒趣，中间粒带子啱啱熟嘅质感，系我冇谂过系呢个价位嘅餐厅可以品尝到嘅。我拣咗比较平嘅套餐，系薄牛肉烧，老实讲，份量就真系少咗啲，佢得两块（二开四），不过牛肉味好浓，佢连埋金菇一齐烧，当系牛肉卷咁上，调味恰到好处，而且生熟度都好符合我哋嘅要求。朋友加咗20几蚊配樱花虾炒饭，我就叫咗白饭，虽然四嚿牛肉好难扒晒一碗饭，但系铁板烧总要有饭先圆满嘅🤣然后所谓嘅椰菜就系一片翠玉瓜同埋一片蘑菇，调味都系恰到好处，其实好少食铁板烧嘅调味系咁啱我嘅口味，呢一点
呢度嘅午市套餐十分抵食，除咗有各式各样嘅鱼生饭拉面同埋锅物，更重要嘅系佢竟然有$200唔使嘅铁板烧午餐。
我同朋友各自都嗌咗一个餐，先来头盘，系冇乜特别嘅麻酱沙律同埋茶碗蒸。想讲一讲个茶碗蒸，我个人认为正宗而且好味嘅日式茶碗蒸应该系𢳂落去呈肥膏状态嘅滑溜，然后喺只匙羹度摇摇欲坠，迅速就要放入口，然后一啖食落去，有鸡汤、银杏、同埋蘑菇——好庆幸呢度嘅茶碗蒸系几得。
前菜：烧带子、茶碗蒸、沙律
40 浏览
0 赞好
0 留言
之后第一味菜拣咗带子，望住师傅喺面前将新鲜嘅带子用铁板整熟，然后加少少牛油汁将佢烤香，面头青椒趣，中间粒带子啱啱熟嘅质感，系我冇谂过系呢个价位嘅餐厅可以品尝到嘅。
我拣咗比较平嘅套餐，系薄牛肉烧，老实讲，份量就真系少咗啲，佢得两块（二开四），不过牛肉味好浓，佢连埋金菇一齐烧，当系牛肉卷咁上，调味恰到好处，而且生熟度都好符合我哋嘅要求。朋友加咗20几蚊配樱花虾炒饭，我就叫咗白饭，虽然四嚿牛肉好难扒晒一碗饭，但系铁板烧总要有饭先圆满嘅🤣
主菜：薄烧牛肉，金菇
11 浏览
1 赞好
0 留言
然后所谓嘅椰菜就系一片翠玉瓜同埋一片蘑菇，调味都系恰到好处，其实好少食铁板烧嘅调味系咁啱我嘅口味，呢一点值得一赞。
可惜嘅系呢一餐饭冇甜品，冇得做一个圆满嘅总结，不过人均价$160 ，可以喺繁嚣嘅生活之中，极视觉味觉之娱，都算系一种乐趣。😎
我谂我会再返嚟。
张贴
