18巷泰國餐廳 (已結業)

平时好少过海嘅我，每次过海都系揾家姐食饭，所以都会直接喺世贸中心揾食，基本上都唔使周围去，因为呢度啲嘢实在好食！我今日亦都唔例外嚟到呢度食泰国菜！讲真呢度嘅泰国菜真系好食又正宗！不过记得一定要卜位！泰式鲜虾刺身：新鲜，爽口弹牙,佢哋个辣汁我最钟意泰式炖花胶：必食，因为真系超抵食，用料十足！酸甜鱼：平时中国菜食得多，泰式嘅我都系第一次，估唔到比中国菜多咗分酸辣味，好食好多，而且条鱼多肉肉厚！又香又脆18巷拼盘：他们招牌拼盘小食差唔多每一张枱都会叫，因为咩都有啲，全部都系新鲜炸出嚟！秘制黑椒炒蟹：只蟹大过我手掌，炒得好香，系有少少辣，家姐都接受到，因为够辣先够香！辣豆酱炒椰菜苗： 呢个辣到又刚刚好，每一条菜都挂上适量酱汁，加碗白饭一流！嘢食好食之外佢哋嘅饮品都唔错，泰式奶茶基本上系我去过咁多间泰国菜馆最正宗的一家！甚至乎龙眼冰啲龙眼有半个杯咁多，真系赞！最后佢哋嘅甜品都好好食的！椰汁西米糕，芒果糯米饭，一定系食完泰国菜必配的甜品