阿肥火鍋 (已結業)

有台湾朋友访港，搅手一星期前已向阿肥火锅预订私房菜，八位订咗一汤七𩠌。1. 炖汤(花胶丶鲍鱼丶乌鸡丶鸡脚丶排骨丶杞子等)2. 黄金虾3. 避风塘炒大肉蟹(两只)4. 菠萝咕噜肉5. 蒸斑6. 炸手鸡(一只)7. 姜汁芥兰8. 豉椒蛏子米粉底一开始饮炖汤，净见D汤料已经令我流哂口水，饮落口𠮶下真系冇得弹，清甜唔油热腾腾，完全将胃口打开了，突然好似好肚饿好想食嘢咁黄金虾好多羔，一咬D虾羔同咸蛋黄一齐咇出嚟，好正；避风塘肉蟹嘅蟹好新鲜，配料超香；菠萝咕噜肉系一道看似普通但难做得好味嘅𩠌，大厨真的做到外脆内嫩，份量好多，同个presentation一样多到满泻，新鲜波萝肉好甜；条斑蒸得刚刚好，个个食到呢个时候已经饱饱哋，但都系食唔停；炸子鸡皮脆肉嫩；芥兰嘅姜汁味就唔够浓，但平时唔多喜欢食芥兰的朋友就赞炒得好，冇咗芥兰草青味；蛏子新鲜炒得刚好、煎米粉煎得两面脆脆，按我个人口味个汁就多咗啲。饭后果西瓜都食埋，大家都话好饱。朋友们继续一边饮啤酒一边倾计，老板见大家饮咁多啤酒咁开心，介绍两款佐酒小食：锦卤云吞(炸得好脆、馅料又多)及椒盐粟米(香口丶细细条易食)，这粟米不得了，最终食咗三碟其实我之前有写