影片
更多
2023-04-30
67 浏览
Sat 29th Apr 2023 阴开始通街都系拖箧，感恩俾我揾到呢度，地方精置干净企理年轻有活力。感恩俾我碰上 Little Fresh。冇哗众取宠嘅Menu、冇画龙添凤嘅装修、冇CCTVB。呢到啲餐唔啱时下嘅游客㗎喇。成层楼都系餐厅仔，唔好去错，呢度系18楼呀。2个年青人8张4人枱。中间有个可以partition 帘，舒舒服服upto 16人party私房菜，min pay$3,xxx！corkage @$150…..每样嘢都唔hey，每一道菜都有特色- Soup of the Day 系洋葱牛肉清汤。识食嘅都知，清汤梗系高档过忌廉汤啦。- 个沙律一啲都唔系．唔系．唔系「田园餐厅」𠮶啲大国菜+日式麻酱货色。食得出系爽脆飞机菜+Pesto+ Tomato Salsa+ Saffron….- 蟹肉Risotto 冇得顶好味追住食不在话下。good balance between 香港人所谓嘅生米 & risotto 应该有嘅咬口感- Barramundi 盲曹。鬼佬海鲜本来都冇乜期望，但系佢又整得几好食。肉质坚挺滑嫩，个皮煎得香脆。千祈唔好睇小佢伴碟𠮶粒车厘茄，佢哋唔系求其摆粒车厘茄
开始通街都系拖箧，感恩俾我揾到呢度，地方精置干净企理年轻有活力。感恩俾我碰上 Little Fresh。冇哗众取宠嘅Menu、冇画龙添凤嘅装修、冇CCTVB。呢到啲餐唔啱时下嘅游客㗎喇。
成层楼都系餐厅仔，唔好去错，呢度系18楼呀。2个年青人8张4人枱。中间有个可以partition 帘，舒舒服服upto 16人party私房菜，min pay$3,xxx！corkage @$150…..
每样嘢都唔hey，每一道菜都有特色
- Soup of the Day 系洋葱牛肉清汤。识食嘅都知，清汤梗系高档过忌廉汤啦。
- 个沙律一啲都唔系．唔系．唔系「田园餐厅」𠮶啲大国菜+日式麻酱货色。食得出系爽脆飞机菜+Pesto+ Tomato Salsa+ Saffron….
- 蟹肉Risotto 冇得顶好味追住食不在话下。good balance between 香港人所谓嘅生米 & risotto 应该有嘅咬口感
- Barramundi 盲曹。鬼佬海鲜本来都冇乜期望，但系佢又整得几好食。肉质坚挺滑嫩，个皮煎得香脆。千祈唔好睇小佢伴碟𠮶粒车厘茄，佢哋唔系求其摆粒车厘茄上去㗎。原来做咗唔少功夫去引发车厘茄入边嘅糖分，令到佢吓散发出一种车厘茄嘅鲜甜。至于用咗乜嘢板斧，你哋自己问大厨啦。
- 芒果沙冰。我本身已经好味唔在讲。Serve嘅时候用火枪微微熏烧新鲜嘅Rosemary。就系咁成件事唔同晒。
张贴
