灣景廳

今日同朋友去食自助餐祝生日,网上睇野食种类都多，也做紧海鲜牛肉主题，以为都几稳阵啦；点知去到，拎野食嘅地方好细，同平时去食平价韩烧冇差别。首先冻波龙吾系任食，只系入座后派卡仔，每人半只，虽然龙虾味道质感都合格，但限每人半只未免太小器，同主题有点出入。至于生蚝，餐厅系采用左开完摆放系冰块上，每人每次限拎三只，不过蚝嘅size劲细只，幸好当日餐厅客人吾多，排队嘅情况吾算有。生蚝味道不过不失，有少量海水味，因为冇标明产地，我都冇去深究。另外冻海鲜方面仲有虾，花螺，小龙虾，长蟹脚，虾同小龙虾都可以，入口有弹性，就系冇咩味，要酱料协助😆。至于长蟹脚，可以因解冻问题，做吾到一梳梳嘅效果，哩样有啲失望。至于热荤，两个难饮到呕嘅汤，我见冇咩人去拎，就知自己中伏🥲。行几步就行完嘅热荤分别有糯米饭，羊扒煲，蒸扇贝，蒸鱼，鱼肉烧卖，避风塘炒虾球。以上所谓嘅热荤我系冇食到嘅🤣🤣所以味道系点，要靠大家去实测下😏😏，不过都有赞嘅，个煎鹅肝系好味嘅。以上吾系我全晚最失望地方，我最失望系甜品区，我剩系拎到件葡,吾系俾人拎晒，而系你拎吾落手，一黎同其他区一样，地方占好少，二黎种类更少，比起百几蚊任食边炉果啲甜品仲差