魂燒 (已易手) 新餐厅

原本想去试蟹黄饭，但系10:30pm冇晒蟹黄，唯有试其他。想叫和牛拉面，点知又冇拉面，佢话「帮我转乌冬」，即系最后叫咗和牛乌冬猪骨汤。个汤系好普通𠮶只味，同一兰、猪王𠮶啲唔系同一个级数，和牛都算过得去，但同全碗面完全唔夹，一同个汤或者粟米或者葱一齐食，即刻会抢晒和牛啲味。我最后唯有食晒啲和牛然后食斋面。埋单先知原来乌冬仲要加钱。因为系佢提议我转乌冬嘅，如果要加钱最好就事先声明啦。最后唔明嘅系唔知点解室内地方会有烟头喺地下。