香城茶室 (已結業)

七一公众假期去香港历史博物馆睇展览，行完都已经系下午茶时间，不过6:00又有饭局，但又想食少少嘢，最就脚就系博物馆内嘅香城餐室。当日咁嘅时候客人真系得3台，冇人量体温，入到去座位任拣。去到收银处点咗个茶餐，沙嗲牛肉米炒配半个奶油猪仔包同火腿奄列，冻斋啡少甜。博物馆通行证仲有折。再去揾咗张卡位坐低，放低支ORDER旗仔喺台面，好快服务员就上餐。喺食物卖相一般同完全冇期望之下，反而有惊喜，沙嗲惹味香浓，米粉爽口唔烂，而且热辣辣。又系新鲜热辣嘅奶油猪仔包，香脆嘅面包外层，松软内层加上牛油和炼奶真系太好味啦。火腿奄列炒蛋非常滑嫩，火腿丝份量满满。超满足。社企食肆服务温馨，座位同环境都舒适，各位行完博物馆不妨支持吓社企。