翹壽司味工房 (已結業)

1/25, 今日由于太忙, 都冇时间谂定食啲咩,到lunch hour 行咗出街, 行到去金百利先谂食乜,最后拣咗嚟呢间上次都想试既「翘寿司味工房」!(上次结果去咗「大和」, 金百利5 楼)睇完晒成个餐牌, 大家都只系想试下佢个「东京鱼生饭定食」,成个定食仲跟面豉汤、日式蒸蛋同前菜一小碟, 个饭都几大碗, 啲饭都几好食, 𩠌都算多,不过刺生类唔够新鲜, 同埋过份多熟既𩠌!面豉汤ok 啦! 至于个蒸蛋就比预期中好食, 但又唔算好好...个定食本身已经贵, 成$65, 但仲要加一啰!而且呢个已经系比较平果个定食, 其他仲贵呀!!咁既价钱, 真系去噃「千秋乐」, 或楼下5 楼间「大和」好过! 以呢个价, 系「大和」差唔到食到两次添呀!!至于呢度既服务... 唔太好, 唔好礼貌差, 而系招呼我哋坐既座位唔够体贴,明明有位(四人位, 不过可以拉开张台), 但都系要我哋坐近门口,我开到口, 坚持两次, 先同我哋转台, 点知坐唔够一阵, 见到有张两人台埋咗单, 又要求我哋转台,但个张台旁边系半身柜, 放咗好多水樽、大圆盆、抺台布等等,个大圆盆仲要放到突咗出嚟, 感觉唔系咁舒服啰.........我谂