傅記茶餐廳

营业中

休息中

今日下晏两点几入到黎，好肚饿要医肚，又唔知边间好，就揾间最多客嘅，就系咁入左黎傅记。因为实在太热，所以唔坐室外，入左入面凉冷气，坐左一阵都冇人serve，贡去cashier位揾阿姐落单，佢唔理我，周围望，得个水吧佬同另一个一边食紧晏一边睇股票嘅厨房佬，佢哋更加唔会理我啦，我又好耐性㖞，坐低慢慢等，隔左一阵个楼面先行入黎，可能个埸大挂，得佢一个又冇人帮佢，不过个楼面真系几好服务态度，另一枱有个阿伯行左入黎唔知食乜，佢都详细介绍有快餐啊，碟头饭啊⋯无耐，又问阿伯饮唔饮汤⋯讲返野食，我当时完全唔醒起食烧鹅，我反而order左最普通嘅快餐（咖喱鸡扒肠仔饭）同冻奶茶⋯后悔ing。咖喱鸡扒肠仔饭嘅汁系商用咖喱胆开嘅，所以同其他茶餐厅一样味道，鸡扒就有D㶶，不过有条肠仔外再多一块烟肉。杯冻奶茶就唔合格，完全冇茶味。Total$50，出奇地平，所以冇所谓。