湖舟壽司‧小料理 (已結業)

是日老细请食饭, 唔理其他同事意愿自把自为拣咗哩到, 因为上次有同事带我嚟食过, 觉得非常好味. 是日拣咗刺身定食, 好彩果日唔多人, 点解? 因为哩到得一个师傅做嘢, 所以上菜超慢, 慢嘅程度系可以由好肚饿等到非常肚饿之后去到饿过头已经唔再肚饿啦就有得食啦, 不过因为佢d嘢真系好好味, 所以间唔时等吓都ok. 有味饭上面铺上满满嘅刺身, 净系睇到d咁靓颜色食物都好开心, 至于味道就一定好到不得了, 虾爽口弹牙, 三文鱼肥美可口, 海胆鲜甜无腥味(觉得香港好难揾到好食嘅海胆), 最后食埋个QQ嘅冷乌冬为哩餐饭画上完美嘅句号.