京香閣 (已結業)

同屋企人食过一次觉得唔错，今晚又同朋友黎食下先，佢系小笼包同片皮鸭嘅fans，呢度有得任食真系好啱佢呀，哈哈。放题餐送嘅一次性餐汤，系虫草花花胶炖鸡汤，虽然系鸡汤，但清清地又几好饮㖞，好怕啲杰挞挞嘅炖汤，呢个几对胃呀。朋友拣干烧汁大虎虾餐（$228/位），个汁辣辣地好开胃，虾鲜甜爽口，正㖞。自己拣左芝士龙虾餐（$268/位），浓浓的芝士汁配上鲜味龙虾，真系食到舐舐脷。片皮鸭区，师傅不停出鸭，唔使抢㗎。好正，自己包可以多酱多配料，唔使怕净返啲皮无鸭肉。好好味，一口气食左四卷！小笼包同糯米烧卖，热辣辣即蒸㗎。小笼包太正了，皮薄多汁，劲系要encore啦。除左点心，仲有好多冷盘同热盘任食，个人劲推菜苗同水煮牛肉。甜品中呢个雪糕脆麻花有惊喜呀！雪糕系椰子味，又甜又香仲有椰子肉，太好味食左几球。高力豆沙软绵绵都好正，蕾沙汤丸烟韧香口值得食，豆沙窝饼就一般啦。仲有姜汁汤丸同酒酿丸子，前者劲姜，后者酒酿味超浓，两样都好对胃，又系要食几碗，哈哈。仲有好多野食无一一影相了，平均差不多要300个人，如果喜欢食中菜，个人觉得抵食嘅，款式多味道好又唔使就住就住，仲有汽水豆浆任饮添㗎。