影片
更多
2013-09-17
231 浏览
第一次接触 Greyhound Cafe 是在泰国旅游之时,当时与家人以自由行方式到泰国旅游,因闻说这里的柠檬茶的冰块是以柠檬茶制成,而不是像其它餐厅以水制冰,此一法是为了防止冰溶解后,把柠檬茶之味道冲淡,所以才以柠檬荼制成冰块。自从在泰国旅行之时,尝过此柠檬茶之后,就已被这柠檬茶的特式深深吸引著。自 Greyhounh Cafe 于海运大厦开张之后,我又再一次有机会再去品尝如此特式的柠檬茶,但当天整顿晚饭的感觉都跟泰国那边的 Greyhound Cafe 不一样,食物的味道及感觉都大不如前,所以我只帮衬了一次,就再没有回此餐厅用膳。此次,再来 Greyhound Cafe, 全因老婆大人话,在家的附近又再开多了一间Greyhound Cafe, 而她是十分喜欢这餐厅的,虽然自己有点不愿意,但既然老婆大人喜欢,当然就要陪她去一趟啦。我们点了鸡翼,牛河,汉堡仔,牛粒,软壳蟹,Lemon Tea Greyhound Style 及 Pink Cooler。将鸡中翼切开再炸,其实就等于炸鸡翼,不过呢个做法就聪明及方便得多,唔怕炸太短时间,骨位未熟就把鸡肉炸干,另外又方便客人进食,唔洗客人死咬
自 Greyhounh Cafe 于海运大厦开张之后,我又再一次有机会再去品尝如此特式的柠檬茶,但当天整顿晚饭的感觉都跟泰国那边的 Greyhound Cafe 不一样,食物的味道及感觉都大不如前,所以我只帮衬了一次,就再没有回此餐厅用膳。此次,再来 Greyhound Cafe, 全因老婆大人话,在家的附近又再开多了一间Greyhound Cafe, 而她是十分喜欢这餐厅的,虽然自己有点不愿意,但既然老婆大人喜欢,当然就要陪她去一趟啦。
我们点了鸡翼,牛河,汉堡仔,牛粒,软壳蟹,Lemon Tea Greyhound Style 及 Pink Cooler。
将鸡中翼切开再炸,其实就等于炸鸡翼,不过呢个做法就聪明及方便得多,唔怕炸太短时间,骨位未熟就把鸡肉炸干,另外又方便客人进食,唔洗客人死咬𪢠咬啲骨位部份,有时中间啲鸡肉都几考人食。叻!!!
呢只软壳蟹,炸得非常香口,底部的酱汁要特别留意。蟹的底部有生菜及一些酱汁垫底,生菜非常新鲜,而啲酱汁的味道亦非常有特式。我食完整只软壳蟹之后,还用啲生菜点啲酱汁来吃,啲酱汁真系可以同只蟹一齐比并下,食食下有啲感觉,唔知呢碟菜式到底系只蟹系主角呀,定系啲酱汁啦,呢啲都可能系个人口味问题,不过如果你地有叫软壳蟹,记得一定要用啲生菜点啲酱汁试试,唔好以为只是一啲普通的生菜及酱汁。
呢个牛粒都好好味,有成12粒咁多,不过我老婆大人只吃了一粒,而我个小朋友仔,又只系挂住吃晒成碟鸡翼,我一个就要吃晒余下𠮶11粒牛粒啦,呢个牛粒在顶部有一些特式的酱汁跟软壳蟹是不一样,而底部垫住的是一片青瓜,最好的食法,就系一叉叉落去,连青瓜都叉埋上嚟一口吃光,唔好将啲肉同青瓜分开吃,又唔好把啲酱汁泼走,不过,个口就要开大啲啦,
呢个汤米粉其实系最先上的,我初初都有啲怕,食左个粉,会饱晒,跟住嚟𠮶啲野就无喂口食,原来又唔系,个粉份量唔算多,(可能我𠮶日特别饿???!!!),呢个粉有4粒牛丸同几粒牛肉粒,啲牛丸几弹口,而啲牛粒又够软,个泰式汤底几好味,而唯一要弹的,就系个汤唔系好够热,点讲呢,其实唔系唔热,系我喜欢吃粉面之时,个汤底要再热啲,咁就好好味啦。
另外,跟呢个牛肉粉同时上台的是一个调味架,一共有四款调味料: 包括糖,鱼露,辣粉及辣油,而我觉得最辣的,系黄色𠮶只辣油,你地咪睇佢黄色以为好温驯呀,我试左小小,辣到我跳舞。
去到呢一刻我都饱左八九成啦,原本重想试一试个汉堡包仔得唔得,但个肚真系无晒位啦,要老婆大人食晒啦,自己就唯有等下一次啦。
唔,饮埋呢杯柠檬茶,整个午餐就划上一个完美的结局啦,抱住个饱饱滞滞的肚离开餐厅。
题外话/补充资料：
好彩,我听老婆话才会再翻去 Greyhound Cafe 试下啲食物, 亦因此才能再尝到一顿美味的午餐,所以有时听下老婆话都好应该的。嘿嘿嘿~~~~
(以上食记乃用户个人意见 , 并不代表OpenRice之观点。)
张贴
