Running 燒 (已結業)

食过一次番寻味，晚市抵系因为有海鲜烧，钟意海鲜既朋友唔好错过。肉类，韩式小食亦唔错添。海鲜有好多种选择，每款都好新鲜，必食生蚝，扇贝，烧酒虾。生蚝，扇贝好大粒，烧熟后冇咩点缩水，仲系胀卜卜，一咬就流汁。烧酒虾熟后，香浓既酒味渗透入虾肉里面，令肉汁更醉人。肉类都系普遍有既牛肉，猪肉，鸡肉，羊肉。今次个碟有间隔，方便多。尼个setting好过上一次。雪花牛仔肉，卖相好吸引，雪花纹路好清晰，每面轻轻一烧就熟，充满住牛肉既鲜甜。酱腌春鸡脾肉，好大件，但因为系鸡脾肉，所以烧完仲好嫩滑，腌酱唔会太浓味。青阳辣鸡粒，细细粒，辣味够，一口一粒好正。熟食方面叫左一碗水冷面同炸鸡，炸鱿鱼须。水冷面凉浸浸，配埋热辣辣既烧肉，特别好味。饮品都系罐装为主，想饮酒既可以写纸order，另外加钱，有各款啤酒，烧酒，梅酒。最后会送甜品，我叫左红豆西米露，食到饱饱。