玉桃軒酒家 (利舞臺廣場)

营业中

休息中

上次去过康怡广场𠮶间玉桃轩觉得几好味，所以上星期二晚放工后去咗铜锣湾𠮶间玉桃轩度试吓。其实地点呢就比较方便啲，因为系铜锣湾。装修呢就同康怡广场𠮶间差唔多都系干净，都坐得舒服，而服务人员都OK嘅。上次食咗康怡𠮶间好味嘅烧乳猪，今次来呢间就试吓佢哋出名嘅叉烧，同埋其他家常小菜。总括嚟讲佢哋嘅小菜都唔错虽然我钟意康怡𠮶间嘅时烧乳猪多少少，但系佢个叉烧都做得唔错嘅。𠮶日我同个朋友两个人叫咗以下嘅嘢食。蜜汁叉烧皇$118-叉烧嘅外皮烧得几脆，同啲肉都松软。虽然张相睇落去好似比较干，但其实食落去都有肉汁嘅。而且啲肉都几冧，同埋几香甜，而且都有肉味。有一啲位系有半肥瘦嘅叉烧都唔错。甜豆百合炒藕片$88-我觉得呢个𩠌值得一条嘅系佢个莲藕片炒得几甜，同埋爽口。加埋啲百合同甜豆呢成，个𩠌都几清甜醒胃，同埋容易送饭。鱼香茄子煲$88-个鱼香茄子煲啲鱼香味都OK，而且送饭都可以。瑶柱金栗石斑块$118-个石斑块啲肉质都几实，有𡁻赵口，同埋个汁都煮得唔错。