素食一家 (已結業)

一直以来都好支持小店，今次都唔系第一次帮衬，帮衬咗几次，要介绍嘅系佢哋一直以来都有派免费素食饭盒，让更多人能够接触素食。好认同佢哋嘅谂法系帮到人系一种福气。好啦，讲番野食先，上汤白菜，清清地比较健康，有少少素肉碎系面，加上上汤出味，唔系斋食菜咁简单，但系个汤咸咗少少。另外，食咗焗葡国鸡饭，依个有点失望，因为个饭底有少少湿，素鸡口感唔系好似，加上个葡国汁差咗啲葡国汁味，唔识形容，但系比较普通。最后食咗个麻酱三丝河粉，依个几好食，啲三丝口感好好，河粉通透滑溜。总括嚟讲，都会有下次，因为今次唔系食佢主打嘅食物。