We Time Cafe (光輝圍)

营业中

休息中

A 相扑手肉眼扒（8安士）配蒜蓉汁（$73）跟薯条（+$3）冻朱古力（+$3）牛扒比预期中大块，要咗五成熟，都煎得不错，肉质偏腍，肉味唔多，如此价钱，可以接受。转咗蒜蓉汁，估唔到会有一咋生蒜铺系面，正。另外加三蚊转咗薯条，热辣香脆，洒上孜然粉，更加惹味。仲有少少沙律菜伴碟。N 芝士浓茄牛肉酱焗扁意粉（$60）低糖薏米水即焗，需时大概廿分钟。虽然等得耐咗少少，但都值得的，因为焗得够干身够香口，唔会湿淋淋。茄味足，够浓味。肉酱份量不少，够捞哂成盘意粉。扁意粉有咬口，有弹性。因为入座时已经比较夜，是日餐汤沽清，所以无得饮。