京都大酒樓

营业中

休息中

京都酒楼（ 黄大仙）今日到黄大仙同老公食晚饭，我同佢拣咗一间就近嘅酒楼，估唔到食物质素非常好。酒楼环境阔落，枱与枱之间相隔适当距离，坐得舒服。 1. 养生鲍鱼炖汤$38每位我同老公叫咗一人一碗炖汤，炖汤材料非常丰富。汤汁好清甜、滋润，有满满嘅鲜甜味。另外材料非常多，有鸡脚、猪肉、鲍鱼等等，鸡脚已经煲到好林，猪肉松化，鲍鱼有咬口。2. 晚饭孖宝$328我哋见到个孖宝套餐好抵食，所以就叫咗一个set。※ 青瓜子斑瓜子斑非常新鲜，面头铺满姜葱，为青斑增添风味。鱼肉又香又滑，又唔多骨。豉油甜甜地，经过特别调制，好适合蒸鱼。※ 潮莲烧鹅皇烧鹅王非常吸引，今次食到髀位。烧鹅皮烧到金黄色，又香又脆。烧鹅肉油而不腻，非常可口，所有调味都刚刚好，好出色。3. 飞天鸡一只$10餐厅仲做紧一蚊鸡嘅优惠，我同老公决定叫埋品尝一下。飞天鸡系吊住咁上，啱晒打卡。我飞天鸡香喷喷，炸得好靓。外皮香脆，鸡肉有油香，而且非常嫩滑、juicy，好抵食！