新貴記粥品店

营业中

休息中

上次食得相当惬意，琴朝再嚟帮衬...上次D猪润水准有番咁上下，吃出信心来，今次决定食碗及第粥，再例牌加碟炸両...今次炸両入面嘅油炸鬼就唔系即炸，有D淰，当然比上次食嘅差一大截，但胜在份量够，加埋甜甜嘅豉油，都叫食得过...及第入面有猪膶、猪肠、猪肚及滑肉，但就缺少咗猪腰，有D美中不足...水准十分不错--- 猪润新鲜爽口，淖得时间刚好，一D苦味都冇；猪肠够粉；猪肚亦够爽，且一D异味都冇；滑肉更系招牌货之一，真正滑不溜口，够鲜甜...粥够杰身，虽然仍然系"师傅"上身，依然吃得不亦乐乎...二十蚊换嚟饱饱满足嘅感觉...