烏蠅館 (已搬遷) 新店位置

天气冻冻地，放工系尖沙咀觅食！朋友之前问我有无食过冒菜，我真系孤陋寡闻，无试过。天气冻冻地，放工系尖沙咀觅食，知道有间冒菜烤鱼系附近，所以唔驶多谂，决定去试一试！星期三七点松D已经坐满一半，我见到有人食大碗面，有人打边炉，我仍然想试试个烤鱼！不过食野之前，我先点咗杯茉莉蜂蜜打打底。原本谂住＂自我安慰＂对餐厅蜜糖期望唔大，不过估唔到杯蜜蜂都有茉莉淡香，见个样都知＂有料到，唔系味精糖浆，而且甜度也适中。大堆头大堆头！我点咗个三峡香辣烤鱼，一整条多宝鱼加6样配菜（莴笋，玉子豆腐，鸡脾茹，土豆片，娃娃菜，豆卜），超丰富！原本谂住除左鱼，无肉，唔知够唔够饱，但其实份量都好大盘，所以如果2个女仔绝对够食！咁我今晚同 my san嚟，我哋都系好辣ge人（特别四川），原本有定心理准备＂香辣＂同我哋最爱＂麻辣＂实有距离，但惊喜ge系呢到冒式香辣都好浓郁惹味，当然一D都唔＂麻＂，但D香口越食越上瘾，好彩阿san醒，一早加埋宽粉系底吸汁，真系用到清哂盘，揽住个肚腩走。另外不得不提，职员介绍我哋另加黄喉（系心脏血管部分），口感非常爽口，滚埋落个香辣汁，无得弹，我谂我之后都会加黄喉做打边边的必食配料！