蠔燒

营业中

休息中

以我所知大围呢其实有两三间串烧店，今次就食呢一间，话比大家听佢烧成点啦。呢间铺铺面唔算大，有时要坐都出去门口，如果冬天最冻𠮶几日去食呢,而且仲要坐门口,就唔系咁过瘾啦.我去𠮶日就坐咗楼上，因为早去所以有位。佢上菜嘅速度快嘅，可能𠮶个时间客人唔多啦。食物质素大致上都满意，烧出嚟嘅火喉都算唔错。如果我话最好食嘅，会拣烧芝士菇同埋蒜蓉茄子。鸡翼同串烧牛肉，都烧得唔错，调味料嘅份量刚好。 因为我哋嗌咗孜然味，开头怕佢太难，我还是觉得辣度刚刚好。多春鱼同京葱都唔错. 而讲到牛舌呢，我只会话可以接受吧。因为我本人好钟意食牛舌，基本上每次见到铺头有得叫，都会叫你食。佢烧嘅技巧系冇问题，亦冇过火，但我总觉得牛舌的质感太腍，而且牛味差小小。