船渦

营业中

休息中

冬天当然要继续打边炉啦，今次就同朋友嚟咗铜锣湾呢间主打一人一蒸气锅餐厅 — 船涡。餐厅座位非常宽敞，我就钟意靠窗嘅高枱，可以同朋友、另一半拍住坐倾计都方便啲！呢度有多款套餐选择，每款名称都非常特别，我哋今次就拣咗九品芝麻（$218）同八府巡按（$388），已包咗前菜、炸物、海鲜、肉类、丸类、蔬菜同甜品。前菜系三款刺身，有北寄贝、甘虾同帆立贝，虽然唔算好大件，但食得出几新鲜。炸物就分别有章鱼烧、芝麻鸡翼同鸡软骨饺子，比较钟意芝麻鸡翼，炸到香脆可口。主菜当然系海鲜啦，呢度有自家水缸所以全部海鲜都系睇得到嘅新鲜！等个蒸炉够热，就可以放上去蒸，而枱面上贴住每款海鲜建议蒸煮时间，跟住做就无问题！其中龙虾肉质细腻弹牙，味道鲜美，鲍鱼肉厚软腍，蛏子皇好大只又爽口！肉类就以澳州M5和牛最正，牛味超香浓，鸡腿肉都超软腍！丸类就有牛骨浓汁牛丸、姜汁皮蛋贡丸、招牌墨鱼丸，个人超推荐墨鱼丸扎实弹牙又香！食埋蔬菜拼盘就可以煮海鲜粥，店员会过嚟加入粥底，并将已经煮林嘅南瓜同埋芋头整碎拌匀，食落软绵又鲜甜，每啖都非常满足！最后甜品就系雪米糍，食完热辣辣边炉再食雪糕真系好爽！