牛皇莫

营业中

休息中

打边炉就一定要有牛肉，就好似啤酒一定要冰冻咁一样。五条友 ，山长水远去莫先生嘅档口，就系为咗佢嘅主力牛肉。牛杂锅系汤底，牛杂份量唔太多，味道又几好咁，少少牛骚味刚刚好，尤其牛肠，甘香肥美，咬落牛香充塞成个口腔，罪过罪过！第一碟系三拼牛，肉眼边，牛腩心肉，颈脊肉以上三种。肉眼边，颈脊肉非常出色，牛味浓够肉味，肯定系上品。而牛腩心肉唔系唔好，不过唔太识得欣赏。楼下三牛写真：就系咁，因为份量真系唔多，三拼牛每一部位人均可以食1.5件左右。一碟就话咁快就食完，颈脊好多地方有得食，牛腩心肉又唔太啱自己，所以叫多碟肉眼边。再叫多碟金钱牛𦟌，摆盘摆到一朵美丽嘅花型，睇落系新鲜唔系冰鲜货，食落亦非常之好，系切得比较细块。埋单二仟左右，总结味道唔错，不过价钱有点辣。