CRAPS TABLE (一門町市場)

营业中

休息中

荃湾一向多野食就大家都知，但荃新天地呢个位就相对少啲选择，最近呢度开左个《一门町市场》，内里有唔同地方嘅小食或者餐厅，今日就拣左呢间 Craps Table 试下。我地喺menu上面拣左2个套餐：餐汤：椰菜花汤打得十分幼滑，入口唔会有草青味。主食：慢煮黑松露野鸡卷意大利饭意大利饭煮得够入味，碟上会唔会有多余嘅汁同时亦唔会太硬。鸡卷软绵绵容易入口，而且每件都带有黑松露嘅香味。主食：琵琶虾 • 冬强功意大利粉入餐厅前已经对呢个有兴趣，但职员就话来货原因，今日转左做虎虾，唔紧要啦，都可以试一试。先讲讲个虎虾，入口煎得够火候，十分香口。而意粉嘅冬阴功汁很清新，唔会太酸亦唔会太辣，配意粉食好开胃。