Oddies (已結業)

前几日介绍完软壳蟹吐司🍞，今日又介绍另一样扫街美食！上星期日我系中上环，行完PMQ，谂住行返落上环坐车走，路过见到呢间舖头非常多外国人帮衬，所以都入去凑热闹😋试下有咩美食先！香港人一定有食过鸡蛋仔，但静系食原味？定食一D特别口味？Oddies Foodies 最出名就系雪糕鸡蛋仔😋！仲要系用意大利🇮🇹雪糕Gelato🥰添！雪糕系采用低脂朱古力gelato，佢质地唔太粘，反而似平时软雪糕🍦，🍫味道好突出。雪糕底部放左一堆牛油酥，好似一堆牛油曲奇碎咁，食左底唔会因为雪糕溶化而变得稔身，依然非常脆口，而又有牛油🧈独特香味，真好吸引。鸡蛋仔同样充满新意，因为要配合返朱古力味，鸡蛋仔中间放左布朗尼朱古力碎。一啖鸡蛋仔，一啖雪糕，朱古力味会变得更加突出，成个口腔都系𠮶阵甜甜香气🥰！而且，一冷一热组合，好似冰火交融咁，一个软身，一个脆口，真好过瘾。当然，鸡蛋仔未出到非常好味，唔会话好香蛋香，但都依然脆身，所以我觉得都整得几好味👍🏻岩哂夏天同朋友行街食返杯！