聰嫂私房甜品 (已結業)

聪嫂嘅甜品已经唔系第一次食， 最得我嘅欢心依然系佢嘅龙眼椰果冰，当年一试难忘嘅甜品。今日喺将军澳食完晚饭，时间又尚早，又走去食番碗龙眼冰啦，睇下佢水准保唔保持到先。铺头既座位都几多， 而且时间尚早，所以大把位可以拣。坐低之后睇咗阵个餐牌，我都系决定食番我最钟意嘅龙眼冰，而朋友就拣咗芋头西米露。好啦 ，上枱喇影完相，即刻食咗一啖!都依然系咁清新香甜，水准不变😍。龙眼冰加埋上面嘅水晶珠同椰果， 口感非常之好，爽爽脆脆咁样， 一口接一囗，食唔停口。 加上头先个晚餐有啲饱滞，食番个清新嘅甜品真系好解滞。朋友嘅芋头西米露唔会太甜, 都好味的。