翠華餐廳 (已結業)

今日偶然经过呢间翠华，闻到好香嘅面包味，就俾佢吸引左入黎。呢度长期都好多客人，仲好受自由行欢迎，翠华喺大陆都几出名吓。叫左个冰镇菠萝油，系香港本土美食。大大块牛油用冰冰镇住，要自己动手放入菠萝包入面。菠萝包好大个，菠萝皮香甜酥脆，面包软熟，可惜只是微暖，并唔系热辣辣，令菠萝油做唔到冰火嘅效果，失败。呢个包并唔系啱啱出炉，下次要睇准佢有啱啱出炉嘅菠萝包先好叫(虽然有啲难控制)仲叫左杯清翠利乐，翠绿色，好大杯。其实系用薄荷同青柠制造嘅沙冰，青柠嘅酸味加上薄荷叶清新嘅味道，真系好正，透心凉，爽呀!