影片
更多
2013-01-20
1205 浏览
早排已经喺电视节目介绍过呢间, 最近某本饮食杂志又再介绍, 于是勾起左记忆, 唔试唔安乐.未亲身黎, 已经听闻此店既大尾鱿系店主妈妈每日新鲜喺塔门钓. 虽然本人一向对高胆固醇食物麻麻地, 但又唔系一次过啪哂一只, 冇问题既一了起条筋, 就即刻打去卜位, 天真地谂住卜1月2X日个星期. 点知......要到四月先有枱.但系要最快既话........啱啱有人取消左1月18日既卜琼, 所以话呢, 绿份到, 挡都挡唔住, 哈哈.店面老实讲, 真系好唔起眼, 行过左都唔觉.入到去, 全场所有櫈都坐满人既话, 只系可以容纳20人左右.呢度既粥底边边收费, 系人头计, 但系4位起, $160/人.如果自问唔系大食, 5个黎食, 叫4人份, 其实都够了.粥底边边海鲜料, 陆续上枱, 好兴奋喔, 上极都有, 哈哈.有......鲍鱼, 蛏子, 花甲, 生虾, 三点蟹, 虾, 大尾鱿, 油炸鬼, 鱼旦(白色𠮶D), 南瓜, 鸡肶菇, 鸡件同牛展. 系咁多.其实都够饱喇, 但四围眼望望之际, 又想叫个煎虾饼跟住, 又再八八卦卦既时候就谂, 既然一场黎到, 咁难得, 点都要试佢个大尾鱿肉饼饭, 全日供应既套餐
未亲身黎, 已经听闻此店既大尾鱿系店主妈妈每日新鲜喺塔门钓. 虽然本人一向对高胆固醇食物麻麻地, 但又唔系一次过啪哂一只, 冇问题既
一了起条筋, 就即刻打去卜位, 天真地谂住卜1月2X日个星期. 点知......要到四月先有枱.
但系要最快既话........啱啱有人取消左1月18日既卜琼, 所以话呢, 绿份到, 挡都挡唔住, 哈哈.
店面老实讲, 真系好唔起眼, 行过左都唔觉.
入到去, 全场所有櫈都坐满人既话, 只系可以容纳20人左右.
呢度既粥底边边收费, 系人头计, 但系4位起, $160/人.
如果自问唔系大食, 5个黎食, 叫4人份, 其实都够了.
粥底边边海鲜料, 陆续上枱, 好兴奋喔, 上极都有, 哈哈.
有......鲍鱼, 蛏子, 花甲, 生虾, 三点蟹, 虾, 大尾鱿, 油炸鬼, 鱼旦(白色𠮶D), 南瓜, 鸡肶菇, 鸡件同牛展. 系咁多.
其实都够饱喇, 但四围眼望望之际, 又想叫个煎虾饼
跟住, 又再八八卦卦既时候就谂, 既然一场黎到, 咁难得, 点都要试佢个大尾鱿肉饼饭, 全日供应既套餐连热饮, 都只系30大元咋, 唔叫对自己唔住啦, 系咪先
跟住仲叫左个芋头糕(本人认为冇乜惊喜)好喇, 真系满足喇, 埋单只系.......一人$150, (一行五人), 抵到呢.....
不得不提系, 粥底上枱时, 系好唔起眼, 好似D冷饭扔落煲滚水度, 试过味, 都冇乜特别, 只系用"好过水"黎形容.
跟住海鲜陆续倒落去, D鲜味呢..........无得顶. 一路边边一路毕粥黎饮.
店员会见你煲野得番一半既时候, 就会问你加粥定加水, 好好服务呢.
仲会见你成碟系骨𠮶阵, 主动同你倒骨, 超赞.
到最后清哂枱, 煲粥都饮埋就带住十个满足走了. 等我呀, 我会再黎架, 呵呵
题外话/补充资料：
海鲜系多, 但系略嫌吐沙时间唔够, 花甲, 蛏子, 以至鲍鱼, 都有食到沙既现象, 花甲同蛏子特别严重, 真系要用"食到一口沙"黎形容.
如果店主能正视呢个问题, 呢个边边粥底定必无懈可击. 饮到见底先走.
(以上食记乃用户个人意见 , 并不代表OpenRice之观点。)
张贴
