Kiss The Tiramisu (已結業)

知韩国既Kiss the tiramisu 黎左香港开分店，第一时间揾埋老公去试下，我本身唔系好好甜品，因为食得多会觉得好甜好漏，但唯独Tiramisu我就多多都食得落，因为加入咖啡既甜品，咖啡会平衡左太甜既味道，而且又充满咖啡香味。 咁今次仲要入将Tiramisu味加入牛奶软雪糕，冻冰冰咁，一入到就即刻order返杯，杯雪糕用高身香槟杯装住，好Elegan，而且仲好大杯，一对情侣share就岩岩好，讲返杯雪糕，系睇住店员即做，底层有cream cheese同饼碎，之后系上面吱满牛奶软雪糕，再淋上espresso同加上朱古力粉。完成！ 牛奶软雪糕好幼滑，加埋朱古力同espresso，好甘香同香浓，味道真系好似食紧Tiramisu蛋糕一样，食左一半再将底下既cream cheese同饼碎捞匀，好creamy又有饼碎既口感，唔会觉得漏，好味到我要将最后一滴倒入口！好正！一定会再食，另外仲有士多啤梨味同香蕉味，下次可以再试！推介比钟意食Tiramisu既朋友!