三多 (已結業)

差不多两年前同朋友踩单车，当时佢地都话要去食，个阵食完都真系几好食，但当时并冇写到食评。今次趁假期冇乜野做，决定踩单车再走入去食三多。假期多人唔洗再讲，仲要而家有限制令，自然需要少少时间去等位，但唔紧要，大家可以望下文宣或者同朋友吹下水等下，铺头出面有櫈坐的。三多炸鸡脾 - $30咁我就叫左小辣，但唔系好食得辣既最好叫bb辣，出黎个阵新鲜滚热辣，因为炸鸡脾，脆当然就好正常，内里多汁肉嫩，食落真系几过瘾。白牛 - $28白牛即系忌廉加云呢拿雪糕，忌廉大家有饮开都知系刺喉架嘛，如果你将雪糕搅一搅会中和左个刺喉感觉，而且饮落去仲带甜味，两者沟埋味道系几夹架，推荐大家食去试。对我黎讲依d只系岩岩饱肚，但下午茶唔洗食到咁饱。虽然价钱有d贵，但作为一间黄店而且味道都几好，大家可以去支持下。