水門雞飯 (豉油街)

营业中

休息中

水门鸡饭转鸡脾，鸡脾好滑口而且份量都比得好足，鸡皮好薄无肥油，仲有小小脆。重点似黎到起晒骨，食落够方便唔会麻烦，鸡饭够晒干身，我就同送既胡椒冬瓜汤一齐食，口感湿润之余仲带有胡椒既香辣。热苹果雪梨水，入面有雪梨，苹果，同红枣。仲有好香既雪梨味出晒味，但又唔会太甜。雪梨同苹果肉都冲到软硬适中，我最后连果肉都清晒。加左各两串既鸡肉串烧同猪肉串烧。食落劲香口热辣辣应该系即叫即烧。外层香脆烧到金黄色。肉质都几嫩滑火喉烧到刚刚好。泰式猪手饭，煮到好淋滑，外层猪手皮好淋食落有满满骨胶原，肉够嫩滑同够淋外，仲觉得好好味。冻泰式奶茶加珍珠，泰式奶茶茶底够香够滑唔会太甜，加入左珍珠系入面够晒弹。