影片
更多
2011-04-23
151 浏览
真系多年都无饮早茶喇 ~ 琴晚饮得太多，要快快食啲野，希望可以尽快舒服啲 ~ 食饱返屋企再瞓。原本谂住会好多食客添，黎到位都唔洗等，走入大堂坐低 ~ 奇怪地全场无后生仔女，大部份食客都年过四十，可能今日系闲日啦，个个都返工返学 ~铁观音，茶叶唔够靓，无靓铁观音既清香味道，免强接骨啦。北菇棉花鸡，点解咁干既，水都无滴，唔通被鱼肚吸收晒，又唔系㖞，连鱼肚都干干地。点解啲鸡柳会有一层杰逹逹既芡汁包住既，仲几咸吓。真系好灵异，未食过咁既棉花鸡，唯中最正常系粒北菇啰。瑶柱百花酿节瓜甫，瓜还瓜、圃还圃，始终经常有此事发生。虾胶好鲜好弹牙，做得非常好，再加干瑶柱丝就更鲜味。节瓜都系连虾胶一齐隔水蒸熟，只有原身既瓜味，无咩其他味道，最好先用高汤喂熟再蒸就最好食。春蛋烧卖，干蒸春蛋烧卖，一滴水都无，咬落旧猪肉度都系好干，虽然肉味浓，肥瘦比例都适中，但无咩肉汁啰，口感干。鹌春蛋都系咁啦，无咩特别。奶皇包，平凡无惊喜，亦唔系流沙，淡淡甜味、淡淡蛋甜，对唔食甜既我几好。柴鱼花生粥，味道似鸡粉粥底，口感杰但又未到棉滑，觉得煮到好马虎，始终卖粥既地方会好过酒楼，酒楼系食小菜点心架呢。凤爪排骨饭，nonono ﹗唔
铁观音，茶叶唔够靓，无靓铁观音既清香味道，免强接骨啦。
北菇棉花鸡，点解咁干既，水都无滴，唔通被鱼肚吸收晒，又唔系㖞，连鱼肚都干干地。点解啲鸡柳会有一层杰逹逹既芡汁包住既，仲几咸吓。真系好灵异，未食过咁既棉花鸡，唯中最正常系粒北菇啰。
瑶柱百花酿节瓜甫，瓜还瓜、圃还圃，始终经常有此事发生。虾胶好鲜好弹牙，做得非常好，再加干瑶柱丝就更鲜味。节瓜都系连虾胶一齐隔水蒸熟，只有原身既瓜味，无咩其他味道，最好先用高汤喂熟再蒸就最好食。
春蛋烧卖，干蒸春蛋烧卖，一滴水都无，咬落旧猪肉度都系好干，虽然肉味浓，肥瘦比例都适中，但无咩肉汁啰，口感干。鹌春蛋都系咁啦，无咩特别。
奶皇包，平凡无惊喜，亦唔系流沙，淡淡甜味、淡淡蛋甜，对唔食甜既我几好。
柴鱼花生粥，味道似鸡粉粥底，口感杰但又未到棉滑，觉得煮到好马虎，始终卖粥既地方会好过酒楼，酒楼系食小菜点心架呢。
凤爪排骨饭，nonono ﹗唔记得左上次食过麻麻地，无啦啦又叫多次，食两啖掉低唔食喇。饭湿唔干爽，正宗蒸饭既白米要系几种混埋黎煮，每间饭店都唔同架，所以口感、质地同香味都好唔同。排骨无咩肉食，骨多又瘦猛猛，味道腌得好浊，不香不甜，口感鞋又唔软腍。灵魂既甜豉油香甜不足。
张贴
